ISAIAH 30:32 - Lai (Hakha) Common Language Bible 2006

³² Pathian nih a tuk chih lengmang hna bantuk khan a mi hna zong nih cun an khuang le an dar kha an rak ṭhuanh chih lengmang ve hna lai. Pathian hrimhrim nih Assiria mi cu a doh hna lai.

ISAIAH 30:32 Խաչաձեւ Հղումներ

ISAIAH 11:15

Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai.

ISAIAH 19:16

Izipt mi cu nu bantukin an ral a chiat caan a phan lai. Ralkapbu Bawipa nih anmah dantat awkah a kut a samh kha an hmuh tikah a ther in an ther lai.

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

HEBRU 12:26

Kha lioah khan a aw nih vawlei cu a hninh, sihmanhsehlaw atu i bia a kan kammi cu, “Vawlei lawng hi si ti loin van zong voi khat cu ka hninh ṭhan lai,” ti hi a si.

EZEKIEL 32:10

Nan cung i a tlungmi thil hin mi tampi kha an khuaruah ka harter hna lai; an siangpahrang hna hmaika ah ka vainam kha ka lek tikah an hmulthi a ling dih lai. Na tluk ni ah cun an cung i a tlung ding ciomi thil ruangah khan an ther lengmang ko lai.

ISAIAH 30:29

Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

ISAIAH 24:8

an i lawmhnak hla dawh le tingtang tum thawng le khuang thawng kha a dai cang.

JOB 16:12

Dai tein ka um ko, Sihmanhsehlaw Pathian nih ka orpareng in a ka dih i a ka khawn chih len i a ka tengh; A hmuichon selnak ah a ka hman i

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

GENESIS 31:27

Zeicahdah na ka hlen i keimah chimh lo tein na kal? Rak ka chim law cu lunglawmhnak le hla le tingtang le thonglawi he ka rak in thlah hnga lo maw.

1 SAMUEL 18:6

Inn lei i an tlun lio, David nih Filistin mipa a thahnak in a kir tikah khan, Israel khua vialte in nu hna kha, hlasak pah le lampah in Siangpahrang Saul kha, khuang tete le lawmhnak hla le aw dawh tumnak hna he rak don awkah an chuak.

ISAIAH 10:24

Bawipa Ralkapbu hna Pathian nih Zion i a ummi cu a thawh hna i, “Izipt mi nih an rak in hrem hna bantuk khan Assiria mi nih hin in hrem hna hmanh seh law, Assiria mi hi ṭih hna hlah u.

ISAIAH 24:1

Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai.

JEREMIAH 31:4

Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

ISAIAH 10:26

Oreb lungpi ah Midian mi ka rak tuk hna bantuk khan keimah Ralkapbu Bawipa nih annih cu ka fung in ka tuk hna lai. Izipt ka rak hrem bantuk khan Assiria cu ka hrem lai.

ISAIAH 31:4

Bawipa nih a ka thawh i, “Sa a uammi chiandeih cu tuukhal pawl nih an au an khuanhnawh len zongah an ṭhawl khawh lo bantukin keimah Ralkapbu Bawipa zong hi, Zion Tlang ka humhaknak hin zeihmanh nih a ka ṭhawl kho lai lo.