ISAIAH 30:29 - Lai (Hakha) Common Language Bible 2006

²⁹ Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

ISAIAH 30:29 Խաչաձեւ Հղումներ

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

ISAIAH 26:4

Bawipa kha i bochan zungzal ko u, amah nih an huhphenh zungzal hna lai.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

MATTHAI 26:30

Cun hla an sa i Oliv tlang ah khan an kal.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

SALM 18:31

Bawipa lawnglawng hi Pathian cu a si, Pathian lawnglawng hi kan ralhau cu a si,

DEUTERONOMI 32:31

An lungpi cu kan Lungpi bantuk a si lo, Kan ral hna cu mihrut an si.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

DEUTERONOMI 16:6

sihmanhsehlaw Bawipa nan Pathian nih a min umnak caah a thim laimi hmun ah, khika ah, zanleisang i ni a tlak cuahmah lio, Izipt ram in nan chuah caan ah khan, lanhtak thawinak cu nan pekchanh lai.

LEVITIKAS 23:32

Nannih caah dinh zirziarnak sabbath a si lai i nanmah le nanmah kha nan i temhinter lai; cu thla ni kua ni zanlei in, a thaizing zanlei tiang nan sabbath cu nan ulh lai,” tiah a ti.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

ISAIAH 30:28

Zeizong vialte a fenh dihtu ti lian bantukin thlitu kha a hmaiah a kalter. Miphun tampi kha a hrawh hna i a ṭha lomi an khuakhannak kha pakpalawng ah a canter.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

SALM 42:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.