ISAIAH 30:26 - Lai (Hakha) Common Language Bible 2006

²⁶ Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.

ISAIAH 30:26 Խաչաձեւ Հղումներ

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

ZEKHARIAH 14:7

A dihlak in ni khat a si dih ko lai i cu ni a rat lai ding cu Bawipa lawnglawng nih a hngalhmi a si, chun zan ti zeihmanh a um lai lo, zan ah ceunak a um ko lai.

ISAIAH 24:23

Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

ṬAHNAK HLA 2:13

Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

ISAIAH 19:22

Bawipa nih Izipt mi cu dan a tat hna lai, sihmanhsehlaw a damter ṭhan hna lai. Annih nih amah leiah khan an i mer lai i an thlacamnak kha a theihpiak hna lai i a damter hna lai.

ISAIAH 30:13

Nan sual hrimhrim ko. Nannih cu a tung in a kuaimi vampang sangpi bantuk nan si; chikkhatte ah nan tlu te lai.

ISAIAH 30:14

Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

ISAIAH 33:24

Kan ram i a ummi cu ka zaw tiah an zai ti lai lo i an sualnak vialte cu ngaihthiam an si lai.

ISAIAH 57:18

“An umtuning kha ka hmuh cang; sihmanhsehlaw ka damter hna lai. Ka hruai hna lai i ka bawmh hna lai; ngaih a chiami kha ka hnemh hna lai.

ISAIAH 58:8

“Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

JEREMIAH 30:17

Mi nih nang cu, “Ṭhawlmi, hawikom zeihmanh a ngei lomi Zion, an in ti nain, Cuar thar cu ka corhter ṭhan lai i na hma cu ka damter ṭhan lai,” tiah Bawipa nih a ti.

HOSEA 6:2

Amah hmaiah kan um khawh nakhnga Ni hnih hnuah cun a kan nunter ṭhan lai i A ni thum ni ah hmasa kan sining ah khan a kan chiah ṭhan lai.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.