ISAIAH 30:24 - Lai (Hakha) Common Language Bible 2006

²⁴ Nan lei a thuangtu cawtum hna le laa hna nih khan cawhlek le fungṭe in an thianhmi ram rawl ṭha bikbik kha an ei lai.

ISAIAH 30:24 Խաչաձեւ Հղումներ

GENESIS 45:6

Ram chung i mangṭam a tlun hi a kum hnihnak lawng a si rih, a dang kum nga a um rih lai i cu chungah cun lothlawh zong a um lai lo, rawl ṭuan zong a um lai lo.

LUKA 3:17

Amah nih cun a ṭalawn kha aa put i rawl kha a zah hna lai; a fang ṭha cu buk chungah a rawn hna lai, sihmanhsehlaw a hi cu a mit lomi mei chungah a khangh hna lai,” tiah a ti.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

1 SAMUEL 8:12

Cun a thong pawl haotu hna le sawm nga pawl haotu hna kha aa chiah hna lai, cun a cheu cu a leithuangtu le a rawlṭuantu le a ral hriamnam sertu le a rangleng thilri sertu ah a chiah hna lai.

DEUTERONOMI 25:4

“Cawtum cu rawl a cil lioah a hmur nan ṭem lai lo.

DEUTERONOMI 21:4

Cun cu khua upa hna nih cun cawla cu, ti a um zungzalnak, leh bal lomi le thlaici cin bal lonak nelrawn ah an kalpi lai i cuka nelrawn chungah cun cawla cu a hngawng an khiah lai.

EXODUS 34:21

“Ni ruk chung rian nan ṭuan lai, sihmanhsehlaw ni sarih ni ah cun nan ṭuan lai lo, leithuan caan le rawl ṭuan caan hmanh ah ni sarih ni ah cun rian nan ṭuan lai lo.

GENESIS 24:25

“Kan inn ah cun ramro le saṭil rawl zong tampi a um i nanmah riahnak ca hmun zong a um ko,” a ti fawn.

ISAIAH 32:20

Rawl caah ti tampi a um lai i caw le rang caah ramhno tampi a um lai caah zeitluk in dik aho paoh an i lawmh cio lai.