ISAIAH 30:21 - Lai (Hakha) Common Language Bible 2006

²¹ Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

ISAIAH 30:21 Խաչաձեւ Հղումներ

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

ISAIAH 29:24

Mihrut nih hngalhthiamnak an ngei kho cang lai i a phun a zai zungzalmi nih cawnpiaknak cohlan kha an duh cang lai,” a ti.

2 SIANGPAHRANG 22:2

Cun Bawipa mithmuh ah a dikmi thil kha a tuah i a pu David lam kha a zul, orhlei ah siseh, kehlei ah siseh a pial lo.

JOSHUA 23:6

Cucaah Moses phungbia cauk chungah aa ṭialmi vialte kha zulh awk le tuah awkah fek tein um ko u; orhlei ah siseh; kehlei ah siseh pialtak hlah u.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.