ISAIAH 30:18 - Lai (Hakha) Common Language Bible 2006

¹⁸ Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

ISAIAH 30:18 Խաչաձեւ Հղումներ

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

PHUNGTHLÛKBIA 16:20

An in cawnpiakmi kha ṭha tein ruat law khuaawng na tong lai, Bawipa kha i bochan law na lung aa lawm lai.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

SALM 34:8

Bawipa hi zeitluk in dah a ṭhat ti kha nanmah tein va kawl cio hmanh u, amah chungah him tein a ummi cu a lung aa lawm.

2 PETER 3:15

Kan hawi le kan unau a simi Paul nih ca an kuat hna tikah, Pathian nih a pekmi fimnak in a chim bantukin, Bawipa nih kan cungah lungsaunak a ngeih cu kannih kha khamh a kan duh caah a si.

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.

ISAIAH 55:8

Bawipa nih, ‘Ka ruahning cu nan ruahning a si lo, ka thil tining zong nan thil tining he an i khat lo.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

ISAIAH 33:5

Zeitluk in dah Bawipa cu a ngan! Zeizong vialte kha amah nih a uk dih. Jerusalem kha dinnak le ṭhatnak in a khahter lai i

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

JEREMIAH 17:7

Sihmanhsehlaw keimah kha a ka bochan i a ka hngatchanmi cu thluachuahnak ka pek lai.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.

EFESA 1:8

Cu tluk tam in a kan pekmi a vel cu a va lianngan hringhran dah!

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

LUKA 2:25

Jerusalem khua ah khan mipa pakhat, a min Simeon a simi a rak um. Amah cu miṭha le Pathian a ṭihmi kha a si i Israel khamhnak ding a rak hngakmi kha a si. Thiang Thlarau nih khan a umpi i

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

ISAIAH 18:4

Bawipa nih a ka thawh i, “Rawlṭuan caan khualum ah daite in dap cu aa ser i chun laicer ah ni cu dawh ngaiin a tlan bantukin, vancung khin ka run in zoh hna lai.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

SALM 84:12

Maw Lianngan Bik Pathian, nangmah an bochanmi cu lunglawmmi an si.

JOB 35:14

‘A ka hmu lo,’ tiah na ti tikah hin na caah a ṭha lo chinchinmi a si.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

HOSEA 2:14

Sihmanhsehlaw atu cu ngaihmanh, Ka lem ṭhan lai i ramlak ah cun ka kalpi lai i ka hnemh lai.

ISAIAH 42:14

Pathian nih aa thawh i, “Caan saupi dai tein ka um i ka mi kha ka let hna lo. Sihmanhsehlaw atu cu cawlcangh a cu cang; nau ngan a fakmi nu bantukin ka ai.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai,” a ti.

ISAIAH 33:2

Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 48:9

“Mi nih ka min kha an thangṭhat khawh nakhnga, ka thinhunnak cu kaa sum; ka thin cu kaa sum hranhram i ka hrawk hna lo.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

ISAIAH 64:4

Amah aa bochantu hna caah cu bantukin rian a ṭuantu Pathian cu nangmah lawnglawng na si, nangmah bantuk cu ahohmanh nih a theih zong an thei bal hna lo a hmuh zong an hmu bal hna lo.

JEREMIAH 42:7

Ni hra hnuah Bawipa bia cu Jeremiah sinah a ra.

DANIEL 12:12

Ni thong khat za thum le sawm thum panga a dih tiang zumhawktlak tein a ummi hna cu thluachuakmi an si.

HOSEA 1:7

Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.