ISAIAH 30:17 - Lai (Hakha) Common Language Bible 2006

¹⁷ Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

ISAIAH 30:17 Խաչաձեւ Հղումներ

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

LEVITIKAS 26:8

Nannih lak i panga nih za khat nan dawi hna lai i nannih lak i za khat nih thong hra nan dawi hna lai; nan ral hna cu nan hmaiah vainam in an tlu lai.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

ṬAHNAK HLA 4:19

A kan dawitu hna cu van i langta hna nakkhin an khul a rang deuh; Tlang cungah kan sul khan heh tiah an kan zulh i Kannih kha tlaih awkah ramlak in an kan bawh.

AMOS 2:14

A khul a rangmi zong kha a zam hmanh ah a him hlei lai lo, A ṭhawngmi zong kha a ṭhawnnak cu san a tlai hlei lai lo; Ralkap zong nih khan amah le amah aa khamh kho hlei lai lo.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.