ISAIAH 30:14 - Lai (Hakha) Common Language Bible 2006

¹⁴ Tlak um bantukin an in den cikcek hna lai, fak tuk in nan keh nan kuai lai caah meiṭil laknak caah a zami le tikhor ti suahnak ah a zami hmanh nan um lai lo,” a ti.

ISAIAH 30:14 Խաչաձեւ Հղումներ

SALM 2:9

Thirfung in na uk hna lai i tlak um bangin na khuai dih hna lai,” a ti.

ROM 11:21

Thingkung nge taktak bantuk a simi Judah mi cu Pathian nih a zuah hna lo ahcun nannih tah a kan zuah hlei hnga tiah nan i ruat maw?

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

LUKA 4:2

Khika ah Khuachia nih ni sawm li chung a rak tukforh. Cu chung vialte cu rawl a ei lo caah cu caan a dih tikah a rawl a ṭam ngaingai.

EZEKIEL 24:14

“Bawipa nih ka chim cang; a caan cu a ra lio ko, ka ṭuan lai. Kaa sum lai lo, zaangfahnak zong ka ngei lai lo, a let zong kaa let lai lo; nangmah cu na ziaza le na tuahmi vialte ruangah khan bia kan ceih lai. Mah hihi Bawipa bia hrimhrim a si,” tiah a ti.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

EZEKIEL 7:9

Nan tuahmi thil hna le nan lak i fihnung a um lengmangmi ruangah khan sifahnak kan inter hna lai. Cucaah nannih nih an tutu hna cu keimah, Bawipa ka si kha nan hngalh lai.

EZEKIEL 7:4

Nannih cu kan zaangfah hna lai lo, kan zuah fawn hna lai lo. Nan tuahmi thil hna le nan lak i a um lengmangmi thil fihnung hna ruangah khan sifahnak kan inter hna lai. Cucaah nannih nih Bawipa ka si kha nan hngalh lai,” tiah a ti.

EZEKIEL 5:11

Ka hmunthiang kha na phung ṭhalo le na thil fihnung in na thurhhnawmh caah zaangfahnak um loin kan hloh lai, tiah Bawipa Pathian nih ka min chalh in ka ti; nangmah cu kan zuah hrimhrim lai lo.

JEREMIAH 48:38

Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

ISAIAH 47:14

“Annih cu capawl pelpawi bantuk men an si lai i mei nih a kangh dih hna lai. Anmah le anmah hmanh an i khamh kho lai lo. Mei cu toh nuam mei men a si lai lo, an ca i a lin tukmi mei a si lai.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

SALM 31:12

Rak thi cang ning law cu bang, mi vialte nih an ka philh i hlonhmi thil bantuk ka si.

JOB 27:22

Zaangfahnak um loin a hranh i a ṭhawnnak nih khan heh tiah a den chih.

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.

PHUNGTHLÛKBIA 6:15

Cucaah chikkhatte ah ṭhat lonak nih a tlunhnawh hna lai i damter khawh ti loin an rawk lai.

ISAIAH 30:26

Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.

ISAIAH 65:7

an pupa sualnak ruangah khan teirul ka cham hna lai. Lawkih hmunthiang ah khan zihmui an khangh i ka min kha an ka thangchiat. Cucaah hmuh awkah an i tlak bantukin dan ka tat hna lai.”

ṬAHNAK HLA 4:2

Zion fapa sung hna khi zohhmanh hna, Hmasa ah cun sui thiang anmah khing an man, Atu tu ah cun ahopaoh nih hei sermi vawlei um tluk ceo an si.