ISAIAH 29:8 - Lai (Hakha) Common Language Bible 2006

⁸ Jerusalem tuk awkah aa pummi miphun vialte hna cu, a rawl a ṭammipa, a mang i rawl a ei ko na i aa hlauh tikah a rawl a ṭam ṭhiamṭhiammi bantuk le tihal in a thi dengmangmi, a mang i ti a ding nain aa hlauh tikah a dang a car ṭhiamṭhiammi bantuk khi an si lai.

ISAIAH 29:8 Խաչաձեւ Հղումներ

ISAIAH 44:12

Sosertu nih thir pakhat kha aa lak i mei ah a linh. A ṭhawngmi a kut in a den i mui ngei ah a ser. A rawl a ṭam, a ti a hal i a ba.

SALM 73:20

Bawipa, annih cu zanmang bantuk an si, na hun i hlauh tikah annih cu an lo colh.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

SALM 129:5

Zion a huatu vialte hna cu sung hna seh law kir dih hna seh!

ISAIAH 41:11

“Ka mi hna, nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai;

ISAIAH 41:12

nanmah cungah raldohnak a tuahmi cu vawlei in an lo lai.

NAHUM 2:1

Na kulhnak ralhau i ralvennak hrawhnak ding caah ralhau chimhnak kha chiahhnawh na si cang, Na ralhau kha veng hna. Lam kha hei zoh law tuk awk i tim. Na thazang dihlak in chuah.