ISAIAH 29:5 - Lai (Hakha) Common Language Bible 2006

⁵ Jerusalem, nangmah an dotu ramdangmi vialte hna cu leidip bangin an choi dih lai i ṭih a nungmi a ralkap hna cu capawl bangin thli nih a choih dih hna lai. Chikkhatte le ruah lopi ah khin

ISAIAH 29:5 Խաչաձեւ Հղումներ

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 30:13

Nan sual hrimhrim ko. Nannih cu a tung in a kuaimi vampang sangpi bantuk nan si; chikkhatte ah nan tlu te lai.

ISAIAH 31:8

Raldohnak ah hin Assiria mi cu hrawh an si lai, sihmanhsehlaw minung ṭhawnnak in a si lai lo. Assiria mi cu raltuknak hmun in an zam lai i an tlangval hna cu sal ah an tlaih hna lai.

ISAIAH 31:3

Izipt mi cu pathian an si lo — minung lawng an ve ko! An rangtum hna cu thlarau an si lo. Bawipa nih rian a vun ṭuan tikah cun a ṭhawngmi miphun kha a cim cutmat ko i cu miphun ṭhawng nih a bawmhmi miphun der zong kha a tlu ve ṭhiamṭhiam lai. An pahnih in an rawk lai.

ISAIAH 25:5

a ro a carmi hmun i ni lin bantukin mi kha an tuk an den tawn hna. Sihmanhsehlaw Bawipa, nang nih cun kan ral cu na daihter hna i khuadawm nih ni lin a daihter bangin mi puarmi au thawng cu na daihter.

SALM 35:5

thli nih a choihmi capawl bantuk si hna seh, Bawipa vancungmi nih a dawimi bantuk si hna seh.

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.

JOB 21:18

Pathian nih a thinhun in miṭhalo cu dan a tat hna in, thlitu nih a choihmi capawl le thlichia nih a choihmi leidip bantuk ah a ser bal hna maw?

ISAIAH 13:11

Bawipa nih aa thawh i, “Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

ISAIAH 25:3

A ṭhawngmi miphun nih an in thangṭhat lai i a puarmi miphun hna khua ah khan nangmah cu an in ṭih lai.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 29:20

Midang a hremtu hna le Pathian zei ah a rel lomi hna caah cun an donghnak a si lai. Misual paoh cu hrawh an si lai.

ISAIAH 40:15

Bawipa, caah cun miphun hna hi zeihmanh an si lo, ti dor pakhat tluk hmanh an si lo, lamhlatpi i a ummi tikulh hna khi leidip tluk fang i a zaangmi men an si.

ISAIAH 41:11

“Ka mi hna, nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai;

ISAIAH 41:15

Facang tuknak fung, a thar i hahar an bunhmi bantuk ah kan ser lai. Tlang kha na rial hna lai i na hrawh lai; fing kha na hmawh dih hna lai i leidip ah an cang lai.

ISAIAH 41:16

Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

ISAIAH 47:11

Vanchiatnak kha na cungah a tlung lai i na camh nih khan an khamh kho lai lo. Hmakhatte ah na cungah rawhralnak a tlung lai — na mang hmanh i na manh bal lomi rawhralnak kha a tlung lai!

ISAIAH 48:3

Bawipa nih Israel cu a thawh i, “Hlan liopi khan a um ding thil cu ka rak chimchung i cun hmakhatte ah cucu ka hun umter!

AMOS 5:9

Amah cu Firuk kha Fitlaw hnuah a chuahter i Mitsur thei a lotu timi arfi a chuah hnuah, Firuk kha a tlaktertu cu amah kha a si. Hi thil a tuahtu hi a min ah Bawipa a si.