ISAIAH 28:21 - Lai (Hakha) Common Language Bible 2006

²¹ Perazim Tlang le Gibeon nelrawn ah Bawipa nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.

ISAIAH 28:21 Խաչաձեւ Հղումներ

1 CHANRELNAK 14:11

Cun Baal-perazim ah a hung kal i David nih khika ah a tei hna; cun David nih, “Pathian nih ka ral hna cu tilian aa sah phut bantukin a sah hna,” tiah a ti. Cucaah cuka hmun cu a min ah Baal-perazim ti a si.

2 SAMUEL 5:20

Cun David cu Baal-perazim ah a ra i khika ah annih cu a tei hna i amah nih, “Bawipa nih ka ral hna cu, tilian aa sah phut bantukin ka hmaiah a sah hna,” tiah a ti. Cucaah cu ka hmun cu a min ah Baal-perazim ti a si.

JOSHUA 10:12

Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

JOSHUA 10:10

Cun Bawipa nih Israel mi hna hmaiah cun a comcawroi loin a zamter hna i, Gibeon ah cun tampi an thah hna, Beth-horon i hung kainak lam ah cun an dawi hna i Azekah le Makkedah khua tiang an thah lengmang hna.

ṬAHNAK HLA 2:15

A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

1 CHANRELNAK 14:16

Cun David nih Pathian nih nawl a pek bangin a tuah i Filistin ralkapbu cu Gibeon in Gezer tiang an thah hna.

2 SAMUEL 5:25

Cun Bawipa nih nawl a pek bangin David nih a tuah i Filistin mi hna cu Geba in Gezer tiang a thah hna.

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 28:19

Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

EZEKIEL 33:21

Ral i kan taan kum hleihnih kum, thla hra thla, ni nga ni ah, Jerusalem khua in a rami ralzam pakhat ka sinah a ra i Jerusalem khua cu a rawk cang, tiah a ka chimh.

ṬAHNAK HLA 3:33

Minung hi a hrem hna le dan a tat hna hi, A duh taktak caah a tuahmi a si lo.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

ISAIAH 65:7

an pupa sualnak ruangah khan teirul ka cham hna lai. Lawkih hmunthiang ah khan zihmui an khangh i ka min kha an ka thangchiat. Cucaah hmuh awkah an i tlak bantukin dan ka tat hna lai.”

JOSHUA 10:11

Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

ISAIAH 29:23

Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka ṭihzah lai.

ISAIAH 64:2

Mei lin chungah a tlokmi ti bantukin an ther hnga. Ra law na lianhngannak cu na ral hna sinah hin langhter tuah, na hmaiah miphun hna cu a ther in ther hna seh.

HABAKKUK 1:5

Nannih mihlenhmang mi hna, zohhmanh u: Mah hihi nan khuaruah an hartertu hna le nan lung an suhaitu hna cu a si lai, Nanmah nan chan chungah hin thil pakhat ka tuah lai i cu thil cu an in chimh hna hmanh ah nan zum kho lai lo.