ISAIAH 28:19 - Lai (Hakha) Common Language Bible 2006

¹⁹ Zing khat hnu zing khat an den chih lengmang hna lai i chun he zan he nan in a hau lai. Pathian sinin a rami bia thar paohpaoh nih ṭihnak thar an rak i ratpi lai.

ISAIAH 28:19 Խաչաձեւ Հղումներ

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

JEREMIAH 19:3

‘Maw Judah siangpahrang hna le Jerusalem khuami hna, Bawipa bia hi thei tuah u,’ va ti. Hi bangin Ralkapbu Bawipa, Israel Pathian nih a ti: Hi hmun cungah hin rawhralnak ka tlunter lai i mah cu a theimi paoh cu, an hna zaizil khing dihlak in a khenh hna lai.

ISAIAH 50:4

Bawipa Pathian nih chim awk kha a ka cawnpiak caah tha a bami kha thazang ka pek khawh hna. A ka cawnpiak ding theih kha zing fate in a ka hngahhlangter.

ISAIAH 37:3

Hi bia hi Isaiah nan va chimh lai, a timi hna cu a si: “Nihin hi temhinnak ni a si; dantatnak kan in ni a si i hmaichia in kan um ni a si. Zei he dah kan i lawh tiah a fa a chuak dengmang cang na i chuahternak thazang a ngei lomi nu bantuk kan si.

ISAIAH 36:22

Cun Eliakim, Shebna le Joah nih an puan kha ngaihchiatnak langhternak ah an thleh i Assiria ralbawipa nih a chimmi cu siangpahrang kha an va chimh.

ISAIAH 33:7

Kan bawm u, tiah mi ralṭha kha an au. Daihnak tlunter aa zuammi lamkaltu hna kha fak piin an ṭap.

2 SIANGPAHRANG 24:2

Cun Bawipa nih a sal profet hna in a rak chimmi bia ning khan, Bawipa nih Khaldi mibu hna le Siria mibu hna le Moab mibu hna le Ammon mibu hna kha a thlahhnawh hna i Judah hrawh awkah khan a thlah hna.

JOB 18:11

Ṭihnak nih a kenkip in an chuahhnawh i a hnulei in an dawi lengmang.

2 SIANGPAHRANG 21:12

cucaah Bawipa, Israel Pathian nih hi bangin a ti: ‘Zohhmanh, a ṭhat lo tuk i a theitu paoh an hna a khenh lai ding ṭhat lonak cu Jerusalem le Judah cungah ka tlunter lai.

2 SIANGPAHRANG 18:13

Hezekiah Siangpahrang a bawi kum hleilinak ah Assiria siangpahrang Sennakherib nih khan Judah ram chung i kulh mi khua vialte kha a rathnawh hna i a lak hna.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

1 SAMUEL 3:11

Cun Bawipa nih Samuel sinah cun, “Zohhmanh, Israel chungah hin, a theitu paoh an hna a pahnih in a khenh lai dingmi thil pakhat ka tuah dengmang cang.

JOB 6:4

Zeicahtiah Lianngan Bik nih a thal in a ka kah i A sivai nih ka thlarau cu a ciah. Pathian ṭihnunnak nih cun hmaitonh in an ka tianhnawh.

JOB 24:17

A muimi zan cu an caah zingka a si, Zeicahtiah annih cu a thukmi muihnak hawikom kha an si.

SALM 55:4

Ka lung cu ṭihnak in a khat, an ka thah sual lai ti kha ka phang tuk.

SALM 88:15

Ka ngakchiat lio tein temhnak ka ing lengmang i thihnak ka naih zungzal; dan na ka tatmi ka phorhnak ah hin ka ba cikcek cang.

JEREMIAH 6:24

Cu thawng an chimmi cu kan theih i Kan kut hna cu thazang ngei loin an uai dih; Nu nih nau nganfah an inmi bantuk nganfahnak nih a kan tlaih.

ṬAHNAK HLA 2:22

Keimah doh awkah ka ral hna cu, puai tuah awkah aa pummi bantukin, a kenkip in na auh hna; Bawipa thinhun ni ah cun pakhat hmanh an luat lo; pakhat hmanh an nung lo. Him tein ka hrinmi hna le ka cawmmi kha an dihlak in ka ral nih an hrawh hna.

JOB 41:9

“Amah tlaih timh cu hnabei dong a si, pathian hna hmanh nih an hmuh ah an khuaruah a har lo maw?

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

JEREMIAH 4:9

Khi ni ah cun siangpahrang le bawi hna cu an thin a phang lai i tlangbawi hna cu an khuaruah a har lai i profet hna cu an lung a dong lai, tiah Bawipa nih a ti.