ISAIAH 26:16 - Lai (Hakha) Common Language Bible 2006

¹⁶ Bawipa, nangmah nih na mi cu dan na tat hna i harnak an in tikah na sinah thla an cam.

ISAIAH 26:16 Խաչաձեւ Հղումներ

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

ṬAHNAK HLA 2:19

Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

ISAIAH 37:3

Hi bia hi Isaiah nan va chimh lai, a timi hna cu a si: “Nihin hi temhinnak ni a si; dantatnak kan in ni a si i hmaichia in kan um ni a si. Zei he dah kan i lawh tiah a fa a chuak dengmang cang na i chuahternak thazang a ngei lomi nu bantuk kan si.

SALM 142:2

Ka harnak vialte kha amah ka chimh dih i ka retheihnak vialte kha ka hngalhter.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

1 SAMUEL 1:15

Sihmanhsehlaw Hannah nih a leh i, “Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

BIACEIHTU 10:15

Cun Israel mi nih Bawipa sinah cun, “Kannih cu kan sual cang; nangmah nih a ṭha na tining paoh in kan cungah tuah ko; a chuah bel nihin ah hin zaangfahnak in kan chuah ko sawh,” tiah an ti.

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 77:3

Pathian kha ka ruat i ka hram, khua ka ruat i ka lung a dong. Selah

SALM 78:34

Sihmanhsehlaw a cheu a thah hna tikah khan, a cheu cu amah leiah an i mer ve; an i ngaichih i amah sinah thla fak piin an cam.

JEREMIAH 29:12

Nan ka hal i ka sinah thla nan cam ahcun nan bia kan ngaihpiak hna lai.