ISAIAH 24:8 - Lai (Hakha) Common Language Bible 2006

⁸ an i lawmhnak hla dawh le tingtang tum thawng le khuang thawng kha a dai cang.

ISAIAH 24:8 Խաչաձեւ Հղումներ

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

BIAPHUAN 18:22

A chung i a rak um tawnmi tingtang tum thiam hna le aw dawh tum thiam hna le thonglawi tum thiam hna le muko tum thiam hna nih an tum tawnmi aw kha zeitikhmanh ah theih ṭhan a um ti lai lo. A chungah rianṭuantu an um ti lai lo i facang rialnak thawng kha theih a um ti lai lo.

EZEKIEL 26:13

Cucaah na hla aw cu ka daihter lai i Na tingtang thawng cu theih an si ti lai lo.

JEREMIAH 7:34

Cun Judah ram chung khua hna chungin le Jerusalem khua chung lam hna in lawmhnak aw le thanuamnak aw, nupi ṭhi tlangval aw le ṭhitmi ngaknu aw cu ka daihter lai; zeicahtiah ram cu a ṭiao dih cang lai.

JEREMIAH 25:10

Cun annih sinin thanuamnak aw thawng le lawmhnak aw thawng vialte cu ka daihter lai; nupi ṭhipa aw thawng le a mo aw thawng le rawl rialnak lung aw thawng hna cu ka daihter hna lai; meiinn ceunak cu ka hmih dih hna lai.

JEREMIAH 16:9

Zeicahtiah ralkapbu Bawipa Israel Pathian nih hi bangin a ti: Nangmah chan hrimhrim ah hin le nangmah mit hmuh hrimhrim ah hin, hi hmun i lawmhnak le thanuamnak aw thawng vialte, nupi ṭhipa aw le a mo aw kha, ka daihter hna lai.

ISAIAH 5:12

Nan puai ah tingtang le thonglawi le khuang he a erh in nan i erh i zu he nan i ciah. Sihmanhsehlaw Bawipa nih zeidah a tuah ti kha nan hngal lo.

JOB 30:31

Ka tingtang cu ngaihchiatnak hlasaknak ah an cang i Ka thonglawi cu a ṭapmi hna aw he aa tlak in tum a si cang.

SALM 137:2

Kan pawng i a ummi inhliam kung hna ah cun kan tingtang kha kan bah tawn hna.

ISAIAH 5:14

Mithi khua cu anmah ei duh ah khan a kaa kau piin aa an ko. Jerusalem khua chung tuavon pawl zong kha, zapi pawl aa chawk ur komi hna he cun a dolh duahmah ko hna.

ISAIAH 16:10

Rawl tampi a rak chuahnak lo ah khan atu cu ahohmanh aa lawmmi an um lo. Mitsur dum chungah khan a aumi siseh, hla a sami siseh, ahohmanh an um lo. Ahohmanh zu ser awkah mitsur thei a nengmi an um lo, lunglawmhnak au thawng kha a dong cang.

ṬAHNAK HLA 5:14

Upa nih hauka i an biaceihnak kha an ngol i Tlangval nih tingtang hri kha an pet ti lo.

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

JOB 3:7

Kha zan kha zan ṭhing si ko seh; Lawmhnak thawng zeihmanh leng hlah seh.

AMOS 6:7

Cucaah saltangmi hna lakah khan hmaisuang ah nannih cu nan kal lai i Cucu nan i nuamhsaihnak a donghnak cu a si lai.