ISAIAH 24:23 - Lai (Hakha) Common Language Bible 2006

²³ Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

ISAIAH 24:23 Խաչաձեւ Հղումներ

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

ISAIAH 13:10

Arfi hna le arfi bu hna khi an ceu ti lai lo, ni cu a chuah tikah a mui lai i thlapa cu a vang lai lo.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.

ISAIAH 30:26

Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

BIAPHUAN 19:6

Cun mibu nganpi aw bantuk, tisor nganpi thawng bantuk, khuari thawng bantuk a simi aw pakhat kha ka theih. “Bawipa, Lianngan Bik, kan Pathian cu Siangpahrang a si caah, thangṭhat ko u!

BIAPHUAN 19:4

Upa kul le pali hna le saram nung pali hna nih khan an kun i bawiṭhutdan cungah a ṭhumi Pathian kha an biak i, “A men! Pathian cu thangṭhat ko u,” an ti.

BIAPHUAN 14:1

Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

JOEL 3:15

Ni le thlapa cu an mui i arfi cu an ceu ti lo.

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

DANIEL 7:18

Sihmanhsehlaw Cung Nung Bik mithiang hna nih cun siangpahrang ṭhawnnak kha an hmuh lai i zungzal in an i ngeih lan lai,” tiah a ti.

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

EXODUS 15:21

Miriam nih cun hla a sakpi hna i, Bawipa nih lianhngannak in a tei caah Bawipa cu hla in thangṭhat u; rangtum hna le a cung i aa citmi hna kha rili chungah a paih hna,” a ti.

MATTHAI 6:10

Na pennak cu rung tlung ko seh, Vancung ah na duhnak an tuah bangin Vawlei cungah hin tuah si ve ko seh.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

MATTHAI 24:29

“Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

ISAIAH 33:17

Ram kaupi a uktu siangpahrang sunparnak cu na mit in na hmuh ṭhan lai.

ISAIAH 60:1

Tho tuah, Jerusalem, ni bantukin tlang tuah; Bawipa sunparnak cu na cungah a tlang!

ISAIAH 60:20

Na ngaihchiat ni cu a dong lai. Bawipa cu zungzal in na caah ceunak ka si lai, nika le thlapa nakin a hmun deuhmi ceunak ka si lai.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

ZEKHARIAH 14:6

Khi ni ah cun lumnak, kihnak, hawhra ti a um ti lai lo.

ZEKHARIAH 14:7

A dihlak in ni khat a si dih ko lai i cu ni a rat lai ding cu Bawipa lawnglawng nih a hngalhmi a si, chun zan ti zeihmanh a um lai lo, zan ah ceunak a um ko lai.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

OBADIAH 1:21

Israel mi hna cu Zion Tlang ah an kai lai i Esau Tlang cu an uk lai. Cun Bawipa cu Siangpahrang a si lai.”