ISAIAH 24:15 - Lai (Hakha) Common Language Bible 2006

¹⁵ nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

ISAIAH 24:15 Խաչաձեւ Հղումներ

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ISAIAH 60:9

Annih cu lamhla piin a rami lawng an si, Pathian mi hna, inn i a rak tlunpitu hna lawng an si. Bawipa, Israel Pathian thiang upat awkah sui le ngun kha an rak i phorh; Bawipa nih miphun dang vialte cu, a mi Israel mi kha, upatnak a pekter hna.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

LAMKALTU 16:25

Zanṭim hrawngah khin Paul le Silas cu thla an cam i Pathian sinah thangṭhatnak hla an sa i thongtla dang nih khan an ngaih hna.

ZEFANIAH 2:11

Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

ISAIAH 66:19

dan a tattu hna cu keimah ka si kha an hngalh lai. Sihmanhsehlaw a cheu cu ka zuah hna lai i ka minthannak a thei rih lomi hna le ka lianhngannak le ṭhawnnak a hmu rih lomi miphun le ram hla pipi ah khan ka thlah hna lai: Spain ram le Libia ram le Lidia ram, (Lidia ram cu thal kah thiammi umnak ram a si), Tubal ram le Grik ram ah ka kuat hna lai. Hi miphun hna hi ka lianhngannak kha an chimh hna lai.

ISAIAH 41:5

“Lamhlatpi i a ummi rammi hna nih ka tuahmi kha an hmuh; an thin a phang i a ther in an ther. Cucaah an dihlak in hmunkhat ah an i pum.

ISAIAH 25:3

A ṭhawngmi miphun nih an in thangṭhat lai i a puarmi miphun hna khua ah khan nangmah cu an in ṭih lai.

2 THESALON 1:12

Hitihin kan Bawipa Jesuh min nih nan sinin thangṭhatnak a hmuh lai i kan Pathian le Bawipa Jesuh velngeihnak thawngin nannih zong nih amah sinin sunparnak nan hmuh ve lai.

ESTHER 10:1

Siangpahrang Ahasuerus nih a ram le rili kam ram hna cu ngunkhuai a thawhter hna.

ISAIAH 12:4

Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ISAIAH 42:12

Lamhlatpi ram i a ummi nih Bawipa cu thangṭhat hna seh law sunparnak pe hna seh.