ISAIAH 22:4 - Lai (Hakha) Common Language Bible 2006

⁴ Cucaah cun diriam tein ka ṭah nakhnga, ka dawn hlah u. Ka mi hi zat riamruam an thih caah hin, hnemh ka zal hlah u.

ISAIAH 22:4 Խաչաձեւ Հղումներ

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

MATTHAI 2:18

“Ramah khua chungah thawng a thang, Cu thawng cu ṭahnak le ainak thawng a si. Rachel nih a fale cu a ṭah hna, An dihlak in an thih dih caah a ṭap lengmang ko i ngamh khawh a si lo,” ti hi a si.

MIKAH 1:8

Cucaah Mikah nih aa thawh i, “Ka kiao ka raak lai i taklawng le kelawng in kaa chawk lai; Cenghngia bangin ka ai lai i thetse ram chimbu bangin ka ṭap lai.

JEREMIAH 31:15

Bawipa nih hi bangin a ti: “Ngai hmanh, lunghno ngaiin ṭahnak thawng cu Ramah khua ah a thang, Cucu Rachel nih a fale a ṭah hnanak thawng kha a si; A fale kha an um ti lo caah hnemh kha a duh lo.”

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

SALM 77:2

Harnak caan ah Bawipa sinah cun thla ka cam; zan khuadei thlacam in ka kut cu ka hler hna, sihmanhsehlaw hnangamnak ka hmu kho lo.

LUKA 19:41

Khuapi cu a hei naih chin lengmang i a hei hmuh tikah a ṭah i,

LUKA 1:2

Cu an ṭialmi cu a hramthawk lio i an mit in a rak hmumi hna nih an kan chimhmi le hi bia a rak chimtu hna nih an rak chimning khan a si.

MATTHAI 26:75

Peter nih cun Jesuh nih, “Ar a khuan hlanah ‘Amah cu ka hngal lo,’ tiah voi thum na ka ti lai,” tiah a rak chimmi kha a lung ah a hung pem. A chuak i fak piin a ṭap.

JEREMIAH 8:18

Zeitindah ka ngaihchiatnak hi ka in khawh lai? Ka lung si a vang.

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

ISAIAH 33:7

Kan bawm u, tiah mi ralṭha kha an au. Daihnak tlunter aa zuammi lamkaltu hna kha fak piin an ṭap.

ISAIAH 15:3

Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai.

JEREMIAH 9:18

Khulrang in ra hna seh law ka ṭah hna seh, Kan mitthli a luan i kan mitthli a tlak nakhnga.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

EZEKIEL 27:31

Na cung i a tlungmi thil ṭhalo ruangah khan an sam an i phawi i buri puan an i aih; Nangmah kha fak piin an in ṭah, lungfak ngaiin an ṭap thluahmah ko.

ESTHER 4:1

An tuahmi vialte cu Mordekai nih a hngalh tikah a puan kha a thleh hna i buri kha a aih i vutcam kha aa phulh, cun khualai ah khan aa chawk i fakpi le lunghno ngaiin a ṭap.

EZEKIEL 21:11

Tat awkah nam cu pek a si cang, kut in tlaih awkah timh a si cang. Vainam cu tat a si cang, a tleu cang, Mi thattu kut chung i chiah awkah khan timh a si cang.