ISAIAH 22:2 - Lai (Hakha) Common Language Bible 2006

² Khuapi cu a dihlak in aa tuai, thaw le ri he a khat i a hninh in aa hnin. Hi ral ah a thimi nan mi hna hi raltuk i a thimi an si lo.

ISAIAH 22:2 Խաչաձեւ Հղումներ

ISAIAH 32:13

hling le so lawng an khat dih. Nuam tein mi nih an rak umnak inn hna le minung a khah in an rak khahnak khuapi kha ṭah ko hna u.

ṬAHNAK HLA 2:20

Bawipa, run zoh law run hmu tuah; Hi bantukin na hremmi hi ahodah a si? Nu nih an paw theitlai, Him tein an hrinmi cu an ei ko hna lai maw? Tlangbawi le profet hna cu Bawipa hmunthiang chungah thah an si ko lai maw?

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

ISAIAH 23:7

Hlanpi in a rak ummi lunglawmhnak khua Tair khua kha hihi maw a si ko? Ram thar va tlak awkah rili ralmi a thlah tawntu hna kha, mah hi maw a si ko?

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

JEREMIAH 38:2

Bawipa nih, “Khua chungah a tangmi cu ral kut in maw mangṭam in maw an thi lai. Sihmanhsehlaw a chuak i Khaldi mi hna sinah aa pemi cu an thi lai lo, zeidang an i chuahpi khawh lo hmanh ah an nunnak he tal cun an luat lai,” a ti, ti hi a si.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 37:33

Assiria siangpahrang kong ah Bawipa nih a chimmi cu hihi a si: “Hi khua chungah hin a luh zong a lut lai lo, thal zong pakhat hmanh a thlah lai lo. Phaw aa putmi ralkap zong nih a naih in an naih lai lo i a velchum ah raltuknak chuntlung zong zeihmanh ser a si lai lo.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 32:14

Siangpahrang inn hmanh kha chuahtak a si lai i an ram chung khualipi kha zamtak a si lai. Ral vennak inn hna le umnak inn hna cu saram kua an si zungzal cang lai. Khika ah ramlak laa kha an i chawk lai i tuu kha an tlong lai.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

EZEKIEL 22:5

A hlami ram nih si hna seh, a naimi ram nih si hna seh, na thangchiatnak ruangah le ningcang lopi i khua na saknak ruangah, an in nihsawh lai.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.