ISAIAH 22:17 - Lai (Hakha) Common Language Bible 2006

¹⁷ Mi ngan cu na si sawk ko lai, sihmanhsehlaw Bawipa nih an thur lai i an hlonh lai.

ISAIAH 22:17 Խաչաձեւ Հղումներ

JEREMIAH 14:3

A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

JOB 9:24

Pathian nih vawlei cu miṭhalo hna kut chungah a pek; Biaceihtu vialte kha mitcaw ah a ser hna. Cucu Pathian nih a tuah lo ahcun, aho nih dah a tuah kun?

ESTHER 7:8

Cun siangpahrang cu siangpahrang inn dum chung khan puai tuahnak hmun ah khan a ra kir ṭhan i Haman cu Esther ṭhutnak ṭhutdan cungah khan a rak bawh ko kha a hmuh. Siangpahrang nih cun, “Keimah ka inn cia cungah, ka um hngan hrimhrim ah siangpahrang bawinu hmanh a tihram dah mu!” tiah a ti. Bia cu siangpahrang kaa chung khan an chuah cangka, Haman cu a hmai kha an khuh colh.

ISAIAH 22:16

A ka thawh i, “Aho ah dah naa rel? Tlangpang lungpang ah khan zeicahdah thlan pakhat naa ser?

ISAIAH 22:18

Pumpululh zit in an zit i ram ngan deuh ah an hlonh vurmar lai. Cuka ah cun naa uanthlar ngaingaimi rangleng hna hramah khan na thi lai. Nangmah cu na bawipa innchungkhar cungah ningzahnak a tluntertu na si.

JEREMIAH 10:18

Zeicahtiah Bawipa nih hitin a ti: Atu tan hi cu, hi ram chung mi hi an dihlak in ka phawi hna lai, Fak piin ka hmeh hna lai i ro lak in ka sur hna lai.