ISAIAH 21:9 - Lai (Hakha) Common Language Bible 2006

⁹ Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

ISAIAH 21:9 Խաչաձեւ Հղումներ

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

JEREMIAH 51:8

Chikkhat ah Babilon cu a tlu i a kuai ko; Amah cu ṭah tuah u! A hma caah khan si va la tuah u, a hei dam phum ko hnga dah kaw.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.

JEREMIAH 51:64

‘Hihi Babilon cung i a tlung ding cu a si — a pil lai i a tho ṭhan ti lai lo, zeicahtiah Bawipa nih a cungah ṭhat lonak a tlunter lai,’ na ti lai,” tiah a ti. Hi tiang hi Jeremiah bia cu a si.

JEREMIAH 51:52

Cucaah zohhmanh, a milem hna cung i biaceihnak ka tuah lai caan le A ram chung dihlak ah hliammi an hrum-ai len lai caan cu a ra lio, tiah Bawipa nih a ti.

JEREMIAH 51:47

Cucaah zohhmanh, Babilon milem hna cu dan ka tat hna lai ni cu a ra lio, tiah Bawipa nih a ti; A ram cu a ning piin ningzahnak a phan lai, A mi an thahmi hna cu a chungah cun an ril liangluang ko lai.

JEREMIAH 51:27

Ram chungah, ral tuk ah i thawh cang u, tinak hmelchunhnak alan kha thlai u, Miphun hna lakah muko kha tum tuah u, Miphun hna cu amah doh awkah tim hna u, Ararat, Minni le Ashkenaz ram hna cu amah doh awkah ko hna u; Amah dotu ah ralbawi ngan bik pakhat chia tuah, Khaubawk bupi zat in rang kha hunpi hna.

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

JEREMIAH 50:38

A ti cungah aa thlai ko, an kao dih lai; Zeicahtiah hi ram cu siasal biaknak ram a si, An pathian ṭihnung pipi kha sunparnak an pek hna.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

JEREMIAH 50:9

Zeicahtiah chaklei i a ummi miphun, a ṭhawngmi bu khat kha ka cawlcanghter hna lai i, Babilon kha ka dohter hna lai; Babilon khua cu an nam lai i an tlaih lai. An i tinhmi a ngan bal lomi thal kah thiam hna bantukin an cantiang cun an kah.

ISAIAH 14:4

Hi bantukin dinhnak a pek hna tikah annih nih Babilon siangpahrang kha an nihsawh lai i, “Siangpahrang ṭhalopa cu a ril cang! Ahohmanh a hrem ṭhan kho ti hna lai lo.

ISAIAH 2:18

siasal cu an lo dih lai.

ISAIAH 21:7

Pahnih pahnih in rang cung in a rami a hmuh hna le laa cung le kalauk cungin a rami a hmuh hna ahcun, ṭha tein ngia hna seh,” tiah a ti.

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

ISAIAH 48:14

Nan dihlak in i pum u law ngai tuah u. Ka thimmi nih Babilon kha a tuk lai tiah zei pathian hmanh nih an rak chimchung kho lo; ka thimmi nih cun ka fialmi kha a tuah lai.