ISAIAH 21:17 - Lai (Hakha) Common Language Bible 2006

¹⁷ Thal kah thiammi pawl kha Kedar mi lakah ralṭha bik an si, sihmanhsehlaw tlawmte lawng an taang lai. Hi bia cu Bawipa, Israel Pathian nih ka chimmi a si,” a ti.

ISAIAH 21:17 Խաչաձեւ Հղումներ

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

JEREMIAH 44:29

Ka bia nih nan cungah ṭhat lonak a tlunter khawh lai ti hngalh khawh nakhnga ding caah, nannih cu hi hmun ah hin dantat kan timh hna i cu hmelchunhnak cu hi kan pekmi hna hi a si:

SALM 107:39

Pathian mi hna cu, raltuknak ah an sungh i ningzahnak an huah tikah, hremnak le harnak an in tikah,

JEREMIAH 49:28

Babilon siangpahrang Nebukhadnezzar nih a teimi Kedar miphun le Hazor khua uktu bawi hna kong ah Bawipa nih a chimmi bia: Tho tuah u, Kedar cu tu tuah u, Nichuahlei mi Arab mi hna kha hrawk hna u.

ISAIAH 31:2

A tuahmi cu zeidah a si ti kha a hngalh. Rawhnak kha a tlunter. Miṭhalo cu dan ka tat hna lai i a hupphengtu hna zong ka tat ve hna lai tiah a rak chimmi kha a chim bangin a tlinter taktak.

ISAIAH 34:16

Thilnung kong ṭialnak Bawipa cauk chungah khan kawl tuah u law zeidah a chim ti kha rel tuah u. Hi thilnung vialte hna hi pakhat hmanh a baumi an um lai lo i pakhat hmanh keptu ngei lo zong an um lai lo. Cu bantukin si seh tiah Bawipa nih a ti i amah hrimhrim nih hmunkhat ah cun a umter hna lai.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.