ISAIAH 19:25 - Lai (Hakha) Common Language Bible 2006

²⁵ Ralkapbu Bawipa nih thluachuah a pek hna lai i, “Ka mi Izipt mi hna, thluachuah kan pek hna lai, ka sermi Assiria mi hna, thluachuah kan pek hna lai, ka thimmi Israel mi hna, thluachuah kan pek hna lai,” a ti hna lai.

ISAIAH 19:25 Խաչաձեւ Հղումներ

ISAIAH 29:23

Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka ṭihzah lai.

HOSEA 2:23

Ram chungah khan ka mi kha fek tein ka umter hna lai i ka ṭhanchoter hna lai. “Dawt lomi” hna tiah timi hna cungah khan dawtnak ka ngei lai i “Ka mi an si lo,” timi hna kha, “Ka mi an si,” ka ti hna lai. Annih cu an pahnih in ka mi nan si ka ti hna lai i, Annih nih, “Kan Pathian na si,” an ka ti lai.

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

SALM 115:15

Van le vawlei a sertu Bawipa nih cun, thluachuahnak in pe ko hna seh!

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

NAMBAR 6:27

“Cu bangin ka min cu Israel mi hna cungah an chiah lai i thluachuahnak ka pek hna lai,” tiah a ti.

NAMBAR 6:24

Bawipa nih thluachuahnak in pe hna in, in zohkhenh ko hna seh;

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

GALATI 6:15

Cuarpartan le tan lo cu biapi a si lo, biapi a simi cu, ser tharmi si hi a si.

ISAIAH 65:23

An ṭuanmi rian ah khan khua awng an pem lai i an fale nih vanchiatnak an tong lai lo. Anmah he an fale he hmailei caan ra ding tiangin thluachuah ka pek hna lai.

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

ROM 3:29

Asiloah, Pathian cu Judah mi hna Pathian lawng maw a si? Jentail mi hna Pathian tah a si ve lo maw? Si hen ta!

NAMBAR 24:1

Israel mi hna thluachuah pek cu Bawipa lawmhmi a si ti kha Balaam nih a hngalh tikah, voi dang bang khan litin ah kal ti loin ramlak lei kha a hoih peng.

ISAIAH 19:24

Cu caan a phak tikah, Israel cu Izipt le Assiria he aa tluk in a um lai i hi miphun pathum hna hi vawleicung mi vialte caah thluachuahnak an si lai.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

ISAIAH 63:17

Zeicahdah na lam zul loin na kan pialter? Zeicahdah kan lung na kan hahter i nangmah cu kan in mertak? Nangmah na rian a ṭuanmi hna ruangah le nangmah mi a si zungzal komi hna ruangah, ra kir ko sawh.

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.