ISAIAH 19:24 - Lai (Hakha) Common Language Bible 2006

²⁴ Cu caan a phak tikah, Israel cu Izipt le Assiria he aa tluk in a um lai i hi miphun pathum hna hi vawleicung mi vialte caah thluachuahnak an si lai.

ISAIAH 19:24 Խաչաձեւ Հղումներ

ISAIAH 65:8

Bawipa nih aa thawh i, “Mitsur thei ṭha cu ahohmanh nih an rawk bal lo, mitsur hang sernak tu ah khan an hman hna. Cu bantukin kei zong nih ka mi cu an dihlak in ka hrawk hna lai lo, ka rian a ṭuantu cu ka khamh hna lai.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

ROM 15:27

Cucu anmah hrimhrim nih kan tuah lai an timi te a si. Asinain, a ngaingai ti ahcun, cu misifak hna bawmh cu an rian zong a si ve ko; Judah mi nih hin thlarau lei in an hmuhmi thluachuahnak cu Jentail mi kha an hrawm ve hna bantukin Jentail mi zong nih Judah mi cu thilri lei i thluachuahnak an hmuhmi kha an hrawm ve hna awk a si ko.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

ZEKHARIAH 8:13

Judah innchungkhar le Israel innchungkhar hna, nannih cu miphun vialte hna sinah chiatserhnak hmelchunhnak kha nan rak si; sihmanhsehlaw atu cu kan khamh hna lai i thluachuahnak hmelchunhnak nan si cang lai. Lung ṭhawng in um u, nan thin phang hlah u!

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

ISAIAH 66:12

Bawipa nih aa thawh i, “A hmunmi rumnak kha kan pek hna lai; miphun hna chawva cu a kao bal lomi tiva bantukin nan chungah a rung luang lai. Nu nih a cawmmi a fa, a cawi a pommi bantuk nan si lai.

ISAIAH 49:22

Bawipa Pathian nih a mi cu a thawh hna i, “Miphun dang hna cu hmelchunhnak ka pek hna lai i nan fale cu inn ah an ratpi hna lai.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

ISAIAH 19:23

Cu caan a phak tikah Izipt le Assiria kar ah lam nganpi pakhat a um lai. Hi ram pahnih hna mi cu an i tlawng an i kai lai i hi miphun pahnih hna cu hmunkhat ah Pathian an bia lai.

ISAIAH 19:25

Ralkapbu Bawipa nih thluachuah a pek hna lai i, “Ka mi Izipt mi hna, thluachuah kan pek hna lai, ka sermi Assiria mi hna, thluachuah kan pek hna lai, ka thimmi Israel mi hna, thluachuah kan pek hna lai,” a ti hna lai.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.