ISAIAH 19:21 - Lai (Hakha) Common Language Bible 2006

²¹ Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

ISAIAH 19:21 Խաչաձեւ Հղումներ

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

ZEFANIAH 3:10

Ethiopia tiva hna ralchan i aa ṭhekmi hna lakin ka sinah zaangfahnak hal in thla a cammi hna nih khan, ka sinah an laksawng kha an rak ka put lai.

HABAKKUK 2:14

Sihmanhsehlaw rili cu ti in a khah bantukin vawlei cu Bawipa hngalhnak le sunparnak in a khat lai.

JONAH 1:16

Cucaah Bawipa cu lawngcawng pawl nih cun an ṭih i raithawinak kha an pekchanh i a sinah biakamnak kha an tuah.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 55:5

Atu cu ramdang miphun kha nan auh hna lai; hlanah cun an rak in hngal hna lo, sihmanhsehlaw atu cu nanmah he fonh duh ah a tlik in an ra tli lai. Bawipa nan Pathian, Israel Pathian thiang nih hi vialte cu ka tlinter lai; upatnak le sunparnak kha kan pek lai,” a ti.

ISAIAH 44:5

“Midang zong nih, pakhat hnu pakhat in, ‘Kei cu Bawipa mi ka si,’ an ti lai i Israel mi chungah khan an i fon lai. An ban ah khan Bawipa min hmelchunhnak kha an ser lai i ‘Kei cu Bawipa mi ka si ve,’ an ti lai,” a ti.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

PHUNGCHIMTU 5:4

Cucaah Pathian sin i bia kamnak na tuah tikah khulrang in cucu zul ko. Pathian nih mihrut cu zeihmanh ah a herh hna lo. Ka tuah lai tiah naa kammi kha va tuah ko.

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le

SALM 61:8

Cucaah ni khat hnu ni khat, na sinah bia kaa kammi ka tlinter pah in nangmah thangṭhatnak cu hla in ka sa zungzal lai.

SALM 68:31

Izipt ram in cozah nih thlahmi lamkaltu an ra lai; Ethiopia mi nih Pathian sinah thlacam in an kut an hler lai.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

SALM 68:32

Vawleicung ram hna, Pathian cu hla in thangṭhat u, Bawipa cu thangṭhat ko u.