ISAIAH 19:19 - Lai (Hakha) Common Language Bible 2006

¹⁹ Cu caan a phak tikah Izipt ram chungah Bawipa ca biakṭheng pakhat a um lai i Izipt ramri ah lungphun pakhat cu Bawipa caah ser a si lai.

ISAIAH 19:19 Խաչաձեւ Հղումներ

GENESIS 28:18

Jakob cu zingka tein a tho i aa tlinhmi lung cu philh lonak lung ah a bunh i Pathian sin i pekchanhnak caah chiti a toih.

JOSHUA 22:10

Kanaan ram chung Jordan tivakam hrawng ram kha an va phak tikah Reuben mi hna le Gad mi hna le Manasseh phun cheu nih khan khika ah Jordan tiva pawngah biakṭheng nganpi pakhat an ser.

JOSHUA 22:26

Cucaah kannih nih, ‘Khangh thawinak caah si loin le raithawinak caah si loin,

EXODUS 24:4

Moses nih Bawipa nawlbia vialte cu a ṭial hna. A thaizing zingkate ah tlang hram ah cun biakṭheng pakhat a ser i lungphun hleihnih, Israel miphun hleihnih caah khan a phun.

ZEKHARIAH 6:15

Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

HEBRU 13:10

Judah mi biaknak thlam chung i rian a ṭuanmi hna tlangbawi hna nih khan kannih biakṭheng cung i thawimi raithawinak sa einak nawl kha an ngei lo.

SALM 68:31

Izipt ram in cozah nih thlahmi lamkaltu an ra lai; Ethiopia mi nih Pathian sinah thlacam in an kut an hler lai.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

JOSHUA 22:27

kannih le nannih karlak ah, kan hnu i kan tefa hna karlak ah biahngaltu a si i Bawipa rian cu kannih nih amah hmaika ah kan khangh thawinak le raithawinak le daihnak thawinak in kan rak ṭuan ve tinak caah biakṭheng pakhat ser u sih; hmailei ah nan tefa hna nih kan tefa hna cu, “Bawipa chungah covo zeihmanh nan ngei lo,” an ti sual hna nakhnga lo,’ tiah kan ti.

JOSHUA 22:28

Cun mah hihi hmailei ah kannih sinah siseh, kan ciruang hna sinah siseh, chim a si sual ahcun, ‘Bawipa biakṭheng a keep hi zohhmanh u, kan pupa hna nih khangh thawinak caah si loin le raithawinak caah si loin, nannih le kannih karlak i biahngaltu si dingah an rak sermi hi,’ tiah kan chim lai tiah kan ruah.

JOSHUA 22:34

Reuben mi hna le Gad mi hna nih cu biakṭheng cu Ed tiah min an sak; “Zeitintiah cu biakṭheng cu Bawipa cu Pathian a si tiah kan karlakah biahngaltu a si caah,” an ti.

JEREMIAH 46:2

Izipt kong: Judah siangpahrang Jehoiakim, Josiah fapa a bawi kum li kum ah, Babilon siangpahrang, Nebukhadnezzar nih Zufrates tiva kam i Karkhemish khua ah a teimi Izipt siangpahrang Faro Neko i a ralkapbu kong:

EZEKIEL 29:1

Sal kan tan kum hra kum, thla hra thla, ni hleihnih ni ah, Bawipa nih ka sinah a chimmi bia cu hihi an si:

EZEKIEL 30:1

Bawipa nih ka sinah a chimmi bia cu hihi an si: A ka thawh i,

EZEKIEL 31:1

Kum hleikhat kum, thla thum thla, ni khat ni ah, hi bia hi Bawipa nih a ka chimh:

EZEKIEL 32:1

Kan saltan kum hleihnih kum, thla hleihnih thla, ni khatnak ni ah Bawipa bia cu ka sin a phan.