ISAIAH 18:3 - Lai (Hakha) Common Language Bible 2006

³ Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

ISAIAH 18:3 Խաչաձեւ Հղումներ

ISAIAH 5:26

Bawipa nih, lamhlapi i a ummi miphun kha, ra u, tiah hmelchunhnak a pek hna. Vanhramdeng in fifik in a kawh hna. An ra cang, khulrang in an ra cang.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

MATTHAI 13:16

“Nannih tu cu, nan van a va ṭha thiam dah. Nan mit nih a hmuh i nan hna nih a theih.

MATTHAI 13:9

Cun Jesuh nih cun, “Hna nan ngeih ahcun thei ko uh,” tiah a ti hna.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

MIKAH 6:9

Bawipa aw cu ngai hmanh u, Amah min ṭih cu hlawhtlinnak a si. Bawipa nih cun khualipi cu a thawh i,

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.

JEREMIAH 22:29

Maw ram, ram, ram, Bawipa nih a chimmi cu ngai tuah.

ISAIAH 13:4

Tlang cung thawng cu ngai tuah u — mibu nganpi thawng a si, miphun tampi le ram tampi aa pummi thawng a si. Ralkapbu Bawipa nih a ralkap cu raldoh awkah a timh hna.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 7:18

“Cu caan a phak tikah Bawipa nih Izipt mi kha fifik in a kawh hna lai i Nail tiva a vaṭeng a hla bikmi hmun i a ummi tiang khan tho bantukin an ra lai, Assiria mi zong kha a kawh hna lai i khuai bantukin an ra ve lai.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

ISAIAH 31:9

An siangpahrang cu a zam lai i a bawi pawl cu an thin a phan tuk caah raltuknak i an i putmi an alan hmanh kha an zamtak lai,” a ti. Jerusalem ah an biakmi Pathian, a raithawinak caah Zion i a mei a ummi Bawipa nih hi bia cu a chim.

ISAIAH 49:22

Bawipa Pathian nih a mi cu a thawh hna i, “Miphun dang hna cu hmelchunhnak ka pek hna lai i nan fale cu inn ah an ratpi hna lai.

JEREMIAH 51:27

Ram chungah, ral tuk ah i thawh cang u, tinak hmelchunhnak alan kha thlai u, Miphun hna lakah muko kha tum tuah u, Miphun hna cu amah doh awkah tim hna u, Ararat, Minni le Ashkenaz ram hna cu amah doh awkah ko hna u; Amah dotu ah ralbawi ngan bik pakhat chia tuah, Khaubawk bupi zat in rang kha hunpi hna.

MIKAH 1:2

Mi vialte hna, nan dihlak in ngai tuah u; Maw vawlei le a chung i a ummi vialte hna nan hna chi tuah u, Zeitintiah Bawipa Pathian nih nannih cu sual phawt awkah a biakinn thiang chung khan bia a run chim.

ISAIAH 11:12

Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai.