ISAIAH 17:11 - Lai (Hakha) Common Language Bible 2006

¹¹ Asinain na cin hna zing hrimhrim ah kho in par hna hmanh seh law kumvui zeihmanh na hmu ṭhiamṭhiam lai lo. Harnak le a dam kho lomi fahnak lawng a um lengmang ko lai.

ISAIAH 17:11 Խաչաձեւ Հղումներ

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

JOB 4:8

Keimah ka hmuhning ah cun ṭhat lonak lei a thuangtu hna le Harnak a tuhtu hna nih cun, cu ṭhiamṭhiam cu an zun tawn.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

HOSEA 9:16

Israel mi cu a hram a car i thei a tlai ti lomi thingkung bantuk an si. Fa an ngei lai lo, an ngeih hmanh ah an dawt ngaingaimi an fale hna cu ka thah hna lai.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

SALM 90:6

Zinglei ah a hung keo i a hung ṭhang i a par i zanlei ah cun a carmi belh bantuk men an si ko.

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

DEUTERONOMI 28:39

Mitsur dum nan ser lai i nan zohkhenh hna lai, sihmanhsehlaw a mitsur hang kha nan ding lai lo i a thei zong nan lo lai lo, zeitintiah rungrul nih a ei dih hna lai.

ISAIAH 17:5

Israel cu rawl an hleh i an ṭuan cianak lo bantuk a si lai, Refaim Nelrawn i famua an suatnak cia lo bantuk a si lai.

JOEL 1:17

Vawlei car ah cun thlaici cu an thi, Khon awk rawl zeihmanh a um lo; Cucaah buk cu an lawng i rawl khonnak inn cu an rawk.