ISAIAH 16:12 - Lai (Hakha) Common Language Bible 2006

¹² Moab mi hna nih thla cam awkah tlang cung hmunthiang ah an kal lengmang le an biakinn i an kal lengmang cu alak ah an tha lam an i bat men, zeihmanh a ṭhathnem hna lai lo.

ISAIAH 16:12 Խաչաձեւ Հղումներ

ISAIAH 15:2

Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah.

JEREMIAH 48:35

Cun Moab ram chung i khuahrumbo ah raithawinak le an pathian hna sinah zihmui khanghnak kha ka donghter lai, tiah Bawipa nih a ti.

1 SIANGPAHRANG 18:29

Cun ni cu a run i mer i thlet thawinak caan tiang an au cuahmah ko, sihmanhsehlaw zei aw hmanh a um lo; zeihmanh nih a let hna lo, ahohmanh nih zei ah a rel hna lo.

NAMBAR 22:39

Cun Balaam cu Balak sinah cun a kal i Kiriath-huzoth an phan.

JEREMIAH 48:46

Aize, maw Moab, na caah ngaihchia a va si dah! Khemosh pathian a biami hna cu an lo ai cang; Zeicahtiah na fapa hna cu saltannak chungah kalpi an si cang i Na fanu hna zong kalpi an si ve ai!

JEREMIAH 48:13

Cun Israel cu aa bochanmi a pathian Bethel nih a deuh bantuk khan Moab cu a pathian Khemosh nih a deuh ve lai, tiah Bawipa nih a ti.

JEREMIAH 48:7

Moab, nangmah nih na ralhau hna le na hriamnam hna kha naa bochan caah, nang zong lak na si ve lai; na pathian Khemosh cu a tlangbawi hna le a bawi hna he saltannak chungah a kal lai.

JEREMIAH 10:5

Cu bantuk siasal hna cu zil dum i ritṭih thlaimi bantuk ceo an si ko, an holh kho lo; An kal khawh lo caah a phorh in phorh an herh. Annih cu ṭih hna hlah u, harnak zeihmanh an tuah kho lo, Ṭhatnak zong zeihmanh an tuah kho fawn lo.

ISAIAH 47:13

Ruahnak an in cheu nain zeihmanh na tuah kho hlei lo. Ruahnak an petu hna cu hmaiah ra chuak hna seh law in khamh tuah hna seh — arfi kong kha a cawng i van kha a bu a bu in a ṭhen i thla khat hnu thla khat in na cung i a tlung ding vialte an chim khotu ding hna nih cun, in khamh tuah hna ngat seh.

ISAIAH 37:38

Ni khat cu a pathian Nisrok biakinn i pathian a biak lioah khan a fapa hna lak i pahnih Adrammelek le Sharezer nih an vainam in an thah i annih cu Ararat ram ah an zam. A dang a fapa pakhat Esarhaddon nih a chan i siangpahrang ah a cang.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

PHUNGTHLÛKBIA 1:28

Khi tikah cun an ka auh lai, sihmanhsehlaw ka let hna lai lo; An ka kawl len lai, sihmanhsehlaw an ka hmu lai lo.

2 SIANGPAHRANG 19:12

Ka pupa hna nih Gozan khua, Haran khua, Rezef khua an hrawh hna le Telassar ah a ummi Beth-eden mi an thah hna i an pathian vialte hmanh nih an chanh khawh hna lo kha na theih ko.

2 SIANGPAHRANG 3:27

Khi tikah amah hmun ah bawi a si ding a fapa upa bik kha aa lak i ralhau cungah cun khangh thawinak caah a thawi. Cu tikah Israel mi hna cu an thin a hung ngaingai i amah sin cun anmah an ram lei ah khan an kir ṭhan.

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

NAMBAR 24:17

Amah cu ka hmuh, sihmanhsehlaw atu i a si bantuk hi a si lo, Amah cu ka zoh, sihmanhsehlaw atu naite i a si bantuk hi a si lo: Jakob chungin arfi pakhat a chuak lai i Israel chungin bawifung pakhat a chuak lai; Moab cal cu a khuai lai i Sheth fapale hna cu a den dih hna lai.

NAMBAR 22:41

Cun a thaizing ah Balak nih Balaam cu Bamoth-baal ah a hun kalpi i cuka cun a naih bik i a ummi hna cu a hmuh hna.

NAMBAR 21:28

Zeitintiah Heshbon in mei a chuak i Sihon khua in meizik a chuak. Moab siangpahrang Ar kha a kangh, Arnon hmunsang bawi hna zong.

ISAIAH 16:13

Hi bia hi Bawipa nih Moab kong ah a rak chimmi bia a si.