ISAIAH 14:29 - Lai (Hakha) Common Language Bible 2006

²⁹ Filistia ram mi hna, nanmah an tutu hna fungfek cu a kiak cang, sihmanhsehlaw i lawm hlei hlah u. Rul cu pakhat a thih tikah a ṭha lo deuh chinmi kha a airawltu ah a hung um tawn. Rul ti chungin, a zuangmi rul kha a keuh.

ISAIAH 14:29 Խաչաձեւ Հղումներ

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

ISAIAH 11:8

Sivai ngeimi rul pawngah ngakchia nih lente an i celh hmanh ah harnak zeihmanh an tong lai lo.

2 CHANRELNAK 26:6

A chuak i Filistin mi kha a doh hna i Gath kulhnak vampang le Jabneh kulhnak vampang le Ashdod kulhnak vampang kha a chimh dih hna; cun Ashdod ram chung le Filistin mi hna lak hmun dang ah khan khua a ser hna.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

MIKAH 7:8

Maw ka ral hna, ka cungah nan diriam hlah u; Ka tlu cang, sihmanhsehlaw ka tho ṭhan lai; Atu cu muihnak chungah ka um, sihmanhsehlaw Bawipa nih ceunak a ka pek lai.

OBADIAH 1:12

Na unau hna cu an van a chiat caah khan diriam in na um awk a si lo, Judah mi kha an rawk ni ah naa lawmh awk zong a si lo; Harnak an ton ni ah na nihsawh awk hna zong a si fawn lo.

HOSEA 9:1

Israel mi hna, lawkih mi bantukin puai nan tuahmi hi ngol u. Zeicahtiah nan Pathian cu nan hlawt i a cungah khan zumhawktlak loin nan um. Nan ram chung dihlak ah hin hlawhhlangnu bantukin Baal sinah nan i zuar i an phalhmi hna rawl kha nan i lawmhpi.

EZEKIEL 35:15

Ka rothil a simi Israel cungah na diriam tein na tuah bantuk khan na cungah ka tuah ve lai. Maw Seir tlangram, na ṭiao dih lai, cucu Edom vialte donghnak a si lai. Cuticun mi nih Bawipa ka si kha an hngalh lai,” a ti.

EZEKIEL 26:2

“Mipa, Tair nih Jerusalem cu a thawh i, A! miphun hna kutka a simi kha a bauh cang, A kutka hna cu keimah leiah an i hung; Kei cu ka rum chin lengmang, anih tu cu rawk relrul in a um ko, a ti.

PHUNGTHLÛKBIA 24:17

Na ral kha a tluk tikah i lawm hlah, a rilh tikah na di riam hlah,

2 CHANRELNAK 28:18

Cun Filistin mi hna nih Judah ram chung chimram le Negeb i a ummi khua hna kha an hranh hna i Beth-shemesh, Aijalon, Gederoth, Soko le a khuate hna, Timnah le a khuate hna, Gimzo le a khuate hna kha an lak hna i khika ah cun an um colh.

2 SIANGPAHRANG 18:8

Filistin mi cu Gaza le a peng tiangin, a tuk hna i ralvennak innsang in kulhmi khua tiang, a tei hna.

JOSHUA 13:3

(Izipt nichuahlei i a ummi Shihor in chaklei ah Ekron ramri tiang, mah cucu Kanaan mi ram ah rel a si; cun Filistin bawi panga an um, Gaza i le Ashdod i le Ashkelon i le Gath i le Ekron i hna cu an si),

NAMBAR 21:8

Cun Bawipa nih Moses cu, “Meirul pakhat in ser law, tung cungah tar tuah; rul cukmi paoh nih an zoh tikah an nung lai,” tiah a ti.

ISAIAH 2:6

Pathian, na mi Jakob tefa hna cu na hlawt cang hna. Nichuahlei in a rami camhthiam hna le Filistia ram in a rami camhthiam hna cu, hi ram hi an khat dih i hi ram mi hna nih, cu hna phung cu an zulh ve.

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

ISAIAH 14:31

Filistin mi khuapi hna, ai u law, bawmhnak duh ah au tuah u! Nan dihlak in therphang in um u. Chaklei in leidip khu a rung lio — cu leidip khu cu ralchia aa tel lomi ralkap an si.

JEREMIAH 47:1

Faro nih Gaza a tuk hlanah, Filistin mi hna kong ah Bawipa bia profet Jeremiah sinah a phanmi cu hihi a si:

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

EZEKIEL 25:15

Mah hihi Bawipa Pathian bia a si: Filistin mi hna nih timh ciammam tein phuhlamnak kha an tuah i lungkhat tein serhsatnak in teirul an cham hna i chan tampi an rak i huatnak kha i hrawhnak caah an hman caah

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

AMOS 1:6

Hihi Bawipa bia an si: Gaza nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

AMOS 1:8

Ashdod i a ummi vialte hna le Ashkelon a uktu bawifung aa putmi vialte kha ka hloh dih hna lai; Ekron kha ka kut ka merhnawh lai i Filistin mi a tangmi hna kha an rawk lai. Cucu Bawipa bia a si.

ZEFANIAH 2:4

Zeicahtiah Gaza cu chuahtak a si lai, Ashkelon cu ṭiaotak a si lai; Chun ah Ashdod mi cu dawi an si lai i Ekron mi cu hloh an si lai.

ZEFANIAH 2:5

Rili kam ram i khua a sami Kereth miphun hna, ngai tuah u, Bawipa bia cu nanmah ralchanh in chim a si cang; Filistin mi hna, nan ram cu ka tei lai i ka hrawh cikcek lai i a chungah ahohmanh um loin ka tuah lai;

ZEKHARIAH 9:5

Ashkelon nih hmu seh law ṭih seh; Gaza cu a thinphan tuk ah a ngerh in i ngerh seh; Ekron nih aa ruahchannak cu a mit lai. Gaza in siangpahrang hna kha an lo lai i Ashkelon cu mi an ṭhing lai.