ISAIAH 14:27 - Lai (Hakha) Common Language Bible 2006

²⁷ Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.

ISAIAH 14:27 Խաչաձեւ Հղումներ

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

JOB 23:13

Amah cu thlen khawh lo a si i aho nih dah an mer khawh lai? A duhmi cu a tuah ko.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

JOB 9:12

Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

SALM 33:11

Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

JEREMIAH 4:28

Cucaah vawlei cu a ngaih a chia lai i cunglei van hna cu an nak dih lai; Keimah nih ka chim cang i ka timh cangmi a si caah Kaa ngaihchih lai lo i ka lung zong kaa let lai lo.”

ISAIAH 46:11

Nichuahlei in ra tiah, mipa pakhat ka kawh, mupi nih ar a nam hna bantukin a nam hna lai i kaa tinhmi kha a tlinter lai. Hi bia cu keimah nih ka chim i a tling lai.

ISAIAH 23:9

Ralkapbu Bawipa a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

JOB 40:8

Nangmah cu na ding lo na ka ti ngam lai maw? Asiloah, nangmah cu na din nakhnga keimah cu na palh na ka ti lai maw?

ISAIAH 9:12

Nichuahlei in Siria nih, nitlaklei in Filistia nih, an ka an i aan i seh an duh hna. Cu ti a si na hmanh cun Bawipa cu a thin a dam kho lo i dantatnak pek awkah a kut cu aa samh ko rih.

JEREMIAH 51:59

Mahseiah fapa Neriah i fapa Seraiah cu Zedekiah Siangpahrang a zohkhenhtu bawi a si. Judah siangpahrang Zedekiah a bawi kum li kum ah cun Seraiah cu Babilon ah a kal i Jeremiah nih bia a cah.

JEREMIAH 44:28

Cun cu tikah cun Judah ram mi Izipt ram i khua a vung sami hna lakah a nung rihmi hna nih khan, aho bia dah a dir, anmah bia maw keimah bia dah, ti kha an hngalh lai.

JEREMIAH 49:20

Cucaah Edom cungah Bawipa nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

EZEKIEL 26:14

A tleu in a tleumi lungpi ah kan ser lai, Ngatlai hna nih an sur an phonak hmun ah kan ser lai, Zeitikhmanh ah sak ṭhan na si ti lai lo. Hi bia cu Bawipa nih ka chim cang. Hihi Bawipa Pathian bia hrimhrim a si, a ti.

JOB 11:10

Pathian nih an tlaih i biaceihnak ah an chuahpi ahcun, Aho nih dah amah cu a dawnh khawh lai?

JOB 42:2

“Nangmah nih zeizong vialte na tuah khawh i Na tinhmi cu dawnh khawh a si lo ti kha ka hngalh.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.