ISAIAH 14:23 - Lai (Hakha) Common Language Bible 2006

²³ Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 14:23 Խաչաձեւ Հղումներ

ZEFANIAH 2:14

Khika ah saṭil run le ramlak saram vialte kha an bawk lai. Chimbu ki ngei le langta nih a tung ngan pipi par ah cun bu an ser lai, Chimbu pawl cu thlalangawng in an awn lai i langta cu innleng ah an dir lai.

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

1 SIANGPAHRANG 14:10

cucaah zohhmanh, Jeroboam innchungkhar cungah ṭhat lonak ka tlunter lai i Jeroboam sin hin pa paohpaoh, Israel mi chung i miluat si hna seh, miluat lo si hna seh, ka hloh hna lai i, mi nih ek cu an khangh hirhiar bangin, Jeroboam innchungkhar cu ka khangh cikcek hna lai.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.

2 SIANGPAHRANG 21:13

Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 13:20

Cuka ah cun ahohmanh an um ṭhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saṭil an khal hna lai lo.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

JEREMIAH 50:26

A rawlṭuan caan kha a phan cang: A buk kha kau hna u law rawl cu a pon in pong hna u, Hrawk cikcek u law a nungmi pakhat hmanh ngan hna hlah u.

JEREMIAH 51:62

Cun thla na cam lai i, ‘Bawipa, hi hmun hi ka hrawh lai i a chungah zeihmanh an um lai lo, minung zong an um lai lo, saram zong an um lai lo i zungzal in a ṭiaomi hmun a si lai,’ tiah na ti, na ti lai.