ISAIAH 14:19 - Lai (Hakha) Common Language Bible 2006

¹⁹ sihmanhsehlaw nang cu thlan na ngei lo i a thut in va thut lak awkah na ruak cu a hlonh in hlonh a si. Na ruak cu raltuknak hmun i a thimi ralkap hna ruak nih khan a khuh i cu hna sinah cun lung khor chungah hlonh le lamh chih a si.

ISAIAH 14:19 Խաչաձեւ Հղումներ

JEREMIAH 41:9

Ishmael nih a thahmi hna an ruak a hlonhnak tikhor cu tikhor nganpi a si. Ishmael nih miruak cu cu tikhor ah cun khat lakin a hlonh hna. Hi tikhor cu Baasha nih Siangpahrang Asa a rak tuk ah khan Asa ni a rak cawhmi a si.

JEREMIAH 41:7

Sihmanhsehlaw khua chung i an rung luh tikah Nethaniah fapa Ishmael le a sin i a ummi hna nih cun an thah hna i tikhor chungah an thlak hna.

EZEKIEL 32:23

A thlan hna cu khor a thuk biknak hmun ah khan tuah an si i a mibu hna cu a velchum ah khan an vui hna, annih cu an dihlak in vainam in thahmi an si, annih cu minung mi hna ram ṭihphannak in a rak khahtertu hna kha an si.

JEREMIAH 22:19

Laa vui bantukin amah cu vui a si lai i Jerusalem kutka lengah khan an hnuh lai i an hlonh lai.”

JEREMIAH 16:6

Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a ṭah zong an ṭah hna lai lo, anmah ruangah ahohmanh a ah zong an i at lai lo, an sam zong an i kawngh lai lo.

2 SIANGPAHRANG 9:25

Jehu nih a bawmtu ralbawi Bidkar cu, “Hei hlawm law Jezreel khuami Naboth vawlei ah khan hei hlonh; zeitintiah, nangmah le keimah cu a pa Ahab hnulei i artlang in kan i cit lioah khan Bawipa nih hi bia a rak chim kha na cinken ko lai:

1 SIANGPAHRANG 21:24

Ahab ta a simi paoh cu, khua chung i an thih a si ah, uico nih a ei hna lai; ramlak i an thih a si ah, van i a zuangmi va nih an ei hna lai,” tiah a ti.

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 13:15

Tlaih a tongmi paoh cu thi lakin nam in chunh an si lai.

ISAIAH 14:18

Vawlei cung siangpahrang dang vialte cu an thlan dawhdawh chungah khan an it hna,

ISAIAH 34:3

An ruak kha an vui hna lai lo, cuka ah cun an ril liangluang ko lai i an thu thluahmah ko lai; cun tlang cu thisen nih a ciah in a ciah dih lai.

JEREMIAH 51:4

Khaldi mi hna ram chungah khan thi hna seh, An khuapi chung lam ah khan ril liangluang ko hna seh.

EZEKIEL 32:27

Annih cu thazang ngei loin a tlumi ralkap hna, Sheol ah an hriamnam he a vung kal i an vainam cu an lu tangah aa tlinh i an phaw cu an ruh cungah aa khuh i an ralṭhat ruangah minung umnak ram kha ṭihphannak in a rak khahtertu kha an si lo maw?