ISAIAH 14:15 - Lai (Hakha) Common Language Bible 2006

¹⁵ Asinain, cu nemmam cu si loin mithi khua a tawne bik tu ah na tla ai!

ISAIAH 14:15 Խաչաձեւ Հղումներ

MATTHAI 11:23

Cun nang Kapernaum khua. Van ah i hlorhning ti na duh. Sihmanhsehlaw hell chungah vun hlonh na si lai. Zeicahtiah na chungah ka tuahmi khuaruahharnak vialte hi Sodom khua chungah khan tuah rak si hna seh law, nihin ni tiang hin a hmun ve ko rih hnga.

EZEKIEL 32:23

A thlan hna cu khor a thuk biknak hmun ah khan tuah an si i a mibu hna cu a velchum ah khan an vui hna, annih cu an dihlak in vainam in thahmi an si, annih cu minung mi hna ram ṭihphannak in a rak khahtertu hna kha an si.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

LUKA 10:15

Cun maw Kapernaum, vancung i hun i hlorh khi na duh mu? Hell chungah khin vun hlonh na si lai,” a ti.

ISAIAH 14:16

Mithi nih ṭhep loin an rak in zoh lai i kaa ang in, “Hi pa hi vawlei kha a hninh in a rak hnin i ram vialte kha a ther in a rak therter dihtu hna kha a si lo maw?

EZEKIEL 31:16

Khor chungah a vung kalmi hna he Sheol ah ka vun kalpi tikah khan, a tluk thawng ah miphun hna cu ka therter hna. Hi vawlei tang hmun hi Eden dum chung thingkung vialte hna le Lebanon thingkung a ṭha bikbik hna le ti nih ṭha tein a cawmmi thingkung hna nih hnangamnak an i laknak hmun a si.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

EZEKIEL 31:14

Cucaah ti ṭha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a ṭhawng bikbik hna zong, ti ṭha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

OBADIAH 1:3

Na lungpuamnak nih a pingah an hruai cang; Nang cu lung in sermi ralhruang chungah khan na um i Na inn cu tlang sangpi cungah khin a si caah, ‘Aho nih dah an ka ṭhumh khawh lai?’ tiah naa zum.