ISAIAH 14:1 - Lai (Hakha) Common Language Bible 2006

¹ Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 14:1 Խաչաձեւ Հղումներ

SALM 102:13

Na tho lai i Zion cu na zaangfah lai, a cung i zaangfah ngeih caan cu a phan cang; atu hi cu caan cu a si cang.

ZEKHARIAH 1:17

Ralkapbu Bawipa bia cu mah hihi a si kha voi khat in chim ṭhan rih tuah: Ka khuapi hna cu thil ṭhaṭha in an khat ṭhan lai; Zion cu Bawipa nih a hnemh ṭhan lai, Jerusalem cu aa thimmi khua ah a ser ṭhan lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

JEREMIAH 50:33

Israel mi le Judah mi cu hrem ṭi an si, Anmah a tlaitu hna nih khan fek tein an hren hna i an thlah duh hna lo.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 44:1

Bawipa nih aa thawh i, “Ka sal Israel mi hna, ngai tuah u, Jakob tefa, ka mi thimmi hna, ngai tuah u.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

SALM 143:12

Na ka dawt caah ka ral cu that hna law a ka dohtu vialte kha hrawk hna, zeicahtiah keimah cu na sal k a si.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

LUKA 1:54

Kan pupa hna sinah a rak sermi biakamnak kha a zulh hna; A sal Israel kha bawmh awkah a ra i

ISAIAH 41:9

Vanhramdeng khin kan ratpi; vawlei cung a hlatnak bik hmun in kan kawh i, ‘Nang cu ka sal na si,’ kan ti. Kan hlaw lo, a thim in kan thim lehlam.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

ISAIAH 49:15

Cucaah Bawipa nih a leh hna i, “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh kho hnga, sihmanhsehlaw kei nih cun kan philh bal hna lai lo.

ISAIAH 49:25

Bawipa nih hi bia halnak cu a leh i, “Cu bantukte cu a um laimi thil hi a si. Ralkap nih an tlaihmi hna thongtla cu an chuak lai i Bawi ṭhawng cu a hranchaw kha chuh a si lai. Nanmah an dotu hna paoh cu ka doh hna lai i nan fale cu ka chuah hna lai.

ISAIAH 54:3

A kam kip in na ramri cu na kauh lai; miphun dang nih atu ah an umnak ram hi na mi nih an co ṭhan hna lai; atu i a kingmi khua hi a linsa ṭhan lai.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 56:3

Bawipa mi sin i aa fonmi ramdangmi nih khan, “Bawipa nih a mi hna sin i biak ve cu a ka sianh lai lo,” tiah ti hlah seh. Tilditmi nih khan, kannih cu Bawipa mi hna lakah kan i tel kho lai lo, ti hna hlah seh.

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

EZEKIEL 47:22

Hi ram cu Israel miphun hna kha ro caah camcawhfung khiah in nan i phaw lai, cun ramdangmi nan sin i a ummi hna zong kha fapa a ngeimi cu nan phawt ve hna lai. Annih cu Israel ram kek ah nan rel ve hna lai i Israel miphun hna lakah khan camcawhfung khiah in ro kha an co ve lai.

SALM 102:14

Hrawh dih cikcek a si ko nain na salle nih kan duh ṭhiamṭhiam, a rawk dih ko nain a cungah zaangfahnak kan ngei ṭhiamṭhiam.

ISAIAH 19:18

Cu caan a phak tikah Izipt ram khua panga ah Hebru holh kha hman a si lai. Cuka i a ummi hna nih Ralkapbu Bawipa min in chiat an ser lai. Cu khua hna lak i pakhat cu “Ni Khua” tiah ti a si lai.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

JEREMIAH 16:15

‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.

JEREMIAH 30:8

Cun khi ni a phak tikah, an hngawng i hngawngkual cu ka khiah hna lai i an cikcin cu ka chah dih hna lai; ramdangmi nih an duhduh in an hmang ti hna lai lo.

JEREMIAH 31:4

Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.

EZEKIEL 16:60

Sihmanhsehlaw na no lio i nangmah he ka tuahmi biakamnak kha ka philh lai lo i zungzal in a hmun laimi biakamnak cu nangmah he ka ser lai.