ISAIAH 13:9 - Lai (Hakha) Common Language Bible 2006

⁹ Bawipa ni cu a ra lio, a thinhunnak le a thinlinhnak ni, ni ṭihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.

ISAIAH 13:9 Խաչաձեւ Հղումներ

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

NAHUM 1:2

Bawipa cu a nah a chuakmi Pathian a si, phuhlam a duhmi Pathian a si; Bawipa nih cun phu a hlam hna i khulrang in a thin a hung.

SALM 104:35

Misual mi cu vawleicung hin hloh si hna seh, miṭhalo cu um ti hna hlah seh. Ka nunnak, Bawipa cu thangṭhat ko! Bawipa cu thangṭhat ko!

PHUNGTHLÛKBIA 2:22

Sihmanhsehlaw miṭhalo hna cu ram chung khan hlonh an si lai i mi rawi hmangmi hna cu ram chung cun phawi an si lai.

BIAPHUAN 18:8

Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

EZEKIEL 13:5

Bawipa ni i ral tuk tikah fek tein an dir khawh nakhnga, Israel velchum i a ummi ralhau a rawkmi kha a rawhnak cu hung thlop awkah an hung kal lo.

JOEL 1:15

Bawipa ni cu a nai cang; Cu ni cu Bawipa sinin a chuakmi rawhnak ni a si lai. Cu ni cu zeitluk ṭihnung dah a si lai!

JOEL 2:31

A lian a ngan i ṭih a nungmi ni, Bawipa ni cu a phak hlanah, Ni cu a mui lai i thlapa cu thisen bantuk in a sen lai.

NAHUM 1:8

Tilian nih thil a hrawh bantukin a hrawh hna i Sihmanhsehlaw amah a dohtu a ral hna cu khuamui chungah a dawi hna.

ZEKHARIAH 14:1

Bawipa nih thil a tuah lai ni a ra lio, nan sinin lakmi hranchaw hna cu nan dir ko lioah khan i phawt an si lai.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

ISAIAH 63:4

Zeicahtiah phuhlam ni cu ka lung chungah a um cang i tlanhnak ka tuah lai, ka timi kum cu a phan cang.

ISAIAH 66:17

Bawipa nih aa thawh i, “Lawkih biaknak i kal awkah le dum thiang timi ah a run in kal awk caah aa thianh i voksa le zusa le rawl fihnung a dangdang a eimi hna an donghnak ding cu a nai cang.

EZEKIEL 30:3

Cu ni cu a nai ai cang, Bawipa ni cu a nai ai cang, Cu ni cu khua a dawm ni, miphun hna biaceih ni a si.

JOEL 2:1

Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.

ZEFANIAH 1:15

Cu ni cu thinhunnak ni a si, Cu ni cu vansang-auhnak le hremnak ni a si, Cu ni cu rawhnak le ralnak ni a si, Cu ni cu muihnak le khuachiat ni a si, Cu ni cu khuadawm le minmei zelh ni a si,