ISAIAH 13:22 - Lai (Hakha) Common Language Bible 2006

²² Innsang hna le bawi inn nuamnuam ah khan cenghngia aw le ramui awnh thawng lawng a leng ko lai. Babilon cu a caan a phan cang! A ni cu a dih dengmang cang,” a ti.

ISAIAH 13:22 Խաչաձեւ Հղումներ

JEREMIAH 51:33

Ralkapbu Bawipa, Israel Pathian nih, Babilon cu facang cilnak phuhri bantuk a si, A rauh hlanah a cungah facang ṭuan caan a phan lai, tiah a ti.

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

ISAIAH 34:13

Siangpahrang inn vialte hna le ralhau a ngeimi khua vialte hna chungah khan hling le so lawng an kho cang lai i ram-ui le chimbu kha an um lai.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

SALM 44:19

Asinain sahrang lakah na kan kaltak i a thuk bik muihnak chungah na kan chiahtak ṭhiamṭhiam.

ISAIAH 32:14

Siangpahrang inn hmanh kha chuahtak a si lai i an ram chung khualipi kha zamtak a si lai. Ral vennak inn hna le umnak inn hna cu saram kua an si zungzal cang lai. Khika ah ramlak laa kha an i chawk lai i tuu kha an tlong lai.

ISAIAH 43:20

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

JEREMIAH 48:16

Moab tluknak ding cu a phan cuahmah cang, A rawknak ding cu a nai ko cang.

ṬAHNAK HLA 4:3

Huel nga hmanh nih an hnuk an chuah i an fale kha hnuk an dinh hna; Sihmanhsehlaw ka mi hna i an fanule hna cu Thetse ram i a ummi ostrik va bantukin an nun a chia.

MIKAH 1:8

Cucaah Mikah nih aa thawh i, “Ka kiao ka raak lai i taklawng le kelawng in kaa chawk lai; Cenghngia bangin ka ai lai i thetse ram chimbu bangin ka ṭap lai.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 34:14

Saram kha an tlong lai i pakhat le pakhat an i ko lai. Zan vak khuachia kha cuka ah cun a ra lai i dinhnak hmun a hung kawl lai.

ZEFANIAH 2:14

Khika ah saṭil run le ramlak saram vialte kha an bawk lai. Chimbu ki ngei le langta nih a tung ngan pipi par ah cun bu an ser lai, Chimbu pawl cu thlalangawng in an awn lai i langta cu innleng ah an dir lai.