ISAIAH 13:18 - Lai (Hakha) Common Language Bible 2006

¹⁸ An li le an thal in tlangval kha an thah duahmah ko hna lai. Ngakchia cungah siseh, bawhte cungah siseh, zaangfahnak zeihmanh an ngei lai lo.

ISAIAH 13:18 Խաչաձեւ Հղումներ

2 SIANGPAHRANG 8:12

Cun Hazael nih a thawh i, “Zeicahdah ka bawipa na ṭah?” tiah a ti. Anih nih, “Zeicahtiah ṭhat lonak Israel mi cungah na tuah ding kha ka hngalh; an ralhau kha mei in na duah hna lai i an tlangval hna cu vainam in na thah hna lai i an ngakchia hna cu na den cikcek hna lai i fa a pawimi an nule hna cu na thler dih hna lai,” tiah a ti.

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

ISAIAH 13:16

Zeihmanh tuah kho ṭung loin an mit lawng i an zoh ko lio hna ah khan, an fale tete cu thi lakin an tenghpiak hna lai, an inn kha an ramh hna lai i an nupile kha hranhram in an sualpiak hna lai,” a ti.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.

NAHUM 2:1

Na kulhnak ralhau i ralvennak hrawhnak ding caah ralhau chimhnak kha chiahhnawh na si cang, Na ralhau kha veng hna. Lam kha hei zoh law tuk awk i tim. Na thazang dihlak in chuah.

SALM 127:3

Fale hi Bawipa sinin kan hmuhmi ro an si, thluachuah a kan pekmi an si.

ISAIAH 5:28

An cantiang cu a har ngaingai i an likuk cu i kuai pengpung in an um. An rang cu an tin kha ṭeklung bantukin an hak, an rangleng kekual hna cu phuchim herh in an i herh.

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

JEREMIAH 5:16

An thalbawm cu a chin chinh lomi thlan bantuk a si, An dihlak in miṭhawng an si.

JEREMIAH 6:23

Li le fei kha an i put, Mipuar an si i zaangfahnak an ngei lo. An rang kha an i cit hna i an thawng cu rili thawng bantuk a si; Raltuknak caah pa nih aa thuamh bangin an i thuam, Nangmah he doh awkah, Maw Zion fanu!”

JEREMIAH 18:21

Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 50:30

Cucaah a tlangval hna cu khualak lam ah khan an ril lai i Khi ni ah a ralkap hna cu thihnak chungah dai tein an it lai, tiah Bawipa nih a ti.

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

JEREMIAH 51:22

Nangmah in rangleng le rangleng aa cittu cu ka den hna; Nangmah in pa hna le nu hna cu ka den hna, Nangmah in tar le no cu ka den hna, Nangmah in tlangval le ngaknu cu ka den hna;

DANIEL 7:5

Cun a dang pakhat, a pahnihnak cu ka hmuh ṭhan i vom bantuk a si. Ui ṭhut in a ṭhu i a kaa ah hnak ruh pathum aa seh. Amah cu nawl pek a si i, “Tho tuah, na duh tawk in sa cu ei tuah,” ti a si.