ISAIAH 12:4 - Lai (Hakha) Common Language Bible 2006

⁴ Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

ISAIAH 12:4 Խաչաձեւ Հղումներ

SALM 105:1

Bawipa sinah lawmhnak bia chim u, a lianhngannak kha thanh u; cun a tuahmi thil kha miphun vialte chim hna u.

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

SALM 57:5

Maw Pathian, na lianhngannak cu van ah khin langhter law na sunparnak cu vawlei cung dihlak ah hin langhter ko.

SALM 18:46

Bawipa cu a nungmi Pathian a si, ka khamhnak lungpi cu thangṭhat ko u! Pathian cu ka khamhtu a si, a lianhngannak kha thanh tuah u!

NEHEMIAH 9:5

Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

EXODUS 33:19

Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

ISAIAH 66:19

dan a tattu hna cu keimah ka si kha an hngalh lai. Sihmanhsehlaw a cheu cu ka zuah hna lai i ka minthannak a thei rih lomi hna le ka lianhngannak le ṭhawnnak a hmu rih lomi miphun le ram hla pipi ah khan ka thlah hna lai: Spain ram le Libia ram le Lidia ram, (Lidia ram cu thal kah thiammi umnak ram a si), Tubal ram le Grik ram ah ka kuat hna lai. Hi miphun hna hi ka lianhngannak kha an chimh hna lai.

ISAIAH 33:5

Zeitluk in dah Bawipa cu a ngan! Zeizong vialte kha amah nih a uk dih. Jerusalem kha dinnak le ṭhatnak in a khahter lai i

ISAIAH 24:15

nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

SALM 113:5

Bawipa kan Pathian bantuk hi ahohmanh an um lo, vancung ah siseh, vawlei ah siseh, amah bantuk ahohmanh an um lo, a bawiṭhutdan cu cung sangpi ah khin a hun,

SALM 107:22

Raithawinak in an lawmh awk a si i a tuahmi thil vialte kha lunglawmhnak hla in an thanh awk a si.

SALM 97:9

Lianngan Bik Bawipa, nangmah cu vawleicung dihlak a uktu na si; pathian vialte hna nakin a let tam piin na ngan deuh.

SALM 96:3

Miphun hna sinah a sunparnak kha thanh u, mi vialte kha thil lianngan a tuahmi cu chim hna u.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

SALM 34:3

Bawipa lianhngannak cu chim ṭi u si law a min cu thangṭhat ti u sih.

SALM 22:31

A chuak rih lomi minung kha, “Bawipa nih mi a khamh hna,” tiah an chimh hna lai.

SALM 21:13

Bawipa, na ṭhawnnak he ra tuah. na ṭhawnnak cu hla in kan thangṭhat lai.

SALM 9:11

Zion ah a ummi Bawipa cu hla in thangṭhat u, a tuahmi thil kha miphun kip chim hna u.

1 CHANRELNAK 16:8

Bawipa sinah lunglawmhnak bia chim tuah u, a min kha au tuah u, Mi zakip kha a tuahnak hngalhter hna u!

SALM 148:13

An dihlak in Bawipa min cu thangṭhat hna seh! A min cu min dang vialte nakin a ngan deuh; a sunparnak nih van le vawlei a lonh hna.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ISAIAH 42:12

Lamhlatpi ram i a ummi nih Bawipa cu thangṭhat hna seh law sunparnak pe hna seh.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

SALM 68:5

A biakinn thiang chungah a ummi Pathian nih, ngakṭah le nuhmei kha an zawn a ruah hna.