ISAIAH 11:1 - Lai (Hakha) Common Language Bible 2006

¹ Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 11:1 Խաչաձեւ Հղումներ

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

ZEKHARIAH 6:12

Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung ṭhang lai i Bawipa biakinn kha a sak lai.

BIAPHUAN 5:5

Cu tikah upa pakhat nih khan a hun ka chawnh i, “Ṭap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

JEREMIAH 33:15

Khi ni le khi caan ah, David Nge, a dingmi ka corhter lai; ram chungah a hmaanmi le a dingmi thil kha a tuah lai.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

ROM 15:12

Isaiah nih khan aa thawh ṭhan i, “Jesse tefa pakhat a ra lai i Jentail mi hna uktu ah ser a si lai, Cun annih nih amah cu an i bochan lai,” a ti bang khan a si.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

1 SAMUEL 17:58

Cun Saul nih a sinah, “Aho fapa dah na si, tlangvalpa?” tiah a ti. Cun David nih, “Bethlehem khuami na sal Jesse fapa ka si,” tiah a leh.

RUTH 4:17

Cun innpa nu pawl nih khan min an sak i, “Naomi caah fapa a chuak,” tiah an ti. Obed tiah min an sak; amah cu David pa Jesse i a pa a si.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

HEBRU 7:14

Judah phun chungin a chuakmi a si ti kha fiang tein hngalh a si i Moses nih tlangbawi kong a chim tikah hi phun kong hi a telh lo.

2 SAMUEL 23:3

Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

EZEKIEL 37:25

Ka sal Jakob ka pekmi ram, nan pupa hna umnak ram ah khan an um lai. Annih le an tefa hna cu khika ah zungzal in an um lai i ka sal David cu zungzal in an bawi a si lai.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

1 CHANRELNAK 2:12

Boaz cu Obed pa a si i Obed cu Jesse pa a si.

SALM 145:11

Na pennak a sunpar ning kha an chim lai i na ṭhawnnak kha an thanh lai.

EZEKIEL 17:22

Mah hihi Bawipa Pathian bia a si: Keimah zong nih sidar thingkung a hluai pakhat kha ka lak ve lai i tlang sang pakhat cungah ka phun lai.