ISAIAH 1:24 - Lai (Hakha) Common Language Bible 2006

²⁴ Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 1:24 Խաչաձեւ Հղումներ

ISAIAH 60:16

Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. Bawipa nih kan khamh kha na hngalh lai, Israel Pathian ṭhawng nih kan luatter kha na hngalh lai.

ISAIAH 61:2

Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

DEUTERONOMI 28:63

Cun Bawipa nih nan ca i ṭhatnak tuah le nanmah karhter kha a rak duh tawn bangin, nanmah cung i rawknak tlunter le nanmah hrawh ah Bawipa cu aa lawm lai i; co awkah nan va luhhnawhmi ram chungin phawi nan si lai.

BIAPHUAN 18:8

Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.

HEBRU 10:13

Cuka ah cun Pathian nih a ral kha a kelamh i a ser hna ding caan kha a hngak.

EZEKIEL 21:17

Keimah zong nih ka kut ka bengh ve lai i ka thinhunnak kha ka ṭhumh lai, tiah Bawipa nih ka chim,” a ti.

EZEKIEL 16:42

Khi tikah ka thinhunnak cu ka ṭhumh lai i ka nahchuahnak cu na sinin aa mer lai.

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

ISAIAH 30:29

Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

SALM 132:2

Bawipa, bia aa kammi kha philh hlah, Israel Pathian Lianngan Bik, na sinah chiat aa serhmi kha philh hlah.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

ISAIAH 63:4

Zeicahtiah phuhlam ni cu ka lung chungah a um cang i tlanhnak ka tuah lai, ka timi kum cu a phan cang.

GENESIS 49:24

Sihmanhsehlaw an li cu a kiak dih, an baan tha cu a cat dih. Cu a chattu cu Jakob Pathian Ṭhawng lianhngannak le Israel Lungpi Tuukhal min a si.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

JEREMIAH 9:9

Hi thil hna ruangah hin dantat loin ka um hnga maw? Hi bantuk miphun cungah hin phuhlam loin maw ka um hnga, tiah Bawipa nih a ti.

MIKAH 5:15

Ka thinhun le ka thinlinh in, ka nawl a ngai lomi miphun vialte cu phu ka hlam dih hna lai.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.