ISAIAH 1:13 - Lai (Hakha) Common Language Bible 2006

¹³ Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

ISAIAH 1:13 Խաչաձեւ Հղումներ

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MATTHAI 15:9

Annih nih mi serchom nawlbia kha Pathian nawlbia bantukin an cawnpiak hna caah An ka biaknak hi zeihmanh a ṭhahnem lo,’ tiah Pathian nih a ti, tiah a rak chim,” tiah a ti.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

LUKA 11:42

“Farasi mi hna, nan caah ṭihnung a va si dah! Pathian sinah, tihang ṭamhnak puṭinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

JOEL 2:15

Zion ah muko kha tum tuah u, Rawl ulhnak kha thanh u law biaknak pumhnak kha au tuah u.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

1 KORIN 11:17

Hi ti kan chimhmi hna lakah hin kan thangṭhat khawh hna lonak pakhat a um: nan i pumhnak nih hin ṭhatnak nakin chiatnak a chuahter deuh.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

SALM 78:40

Voi zeizat riamruam dik amah kha ramcar chungah khan an doh; voi zeizat riamruam dik a ngaih an chiatter!

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

EXODUS 12:16

A ni hmasa bik ni le a ni sarihnak ni ah khan biaknak pumhnak nan ngei lai. Cu ni hnih chung cu rian zeihmanh nan ṭuan lai lo, nan ei awk rawl tuahto lawng kha onh nan si.

FILIPI 1:15

A cheu cu nahchuahnak an ngeih ca le mi he i al duhnak lungthin an ngeih ruangah Thawngṭha bia a chimmi an si taktak, sihmanhsehlaw a cheu cu lungthin ṭha te he a chimmi an si.

NAMBAR 10:2

“Ngun muko pahnih in ser tuah; a den in denmi an si lai; mi zapi kawhnak le riahhmun in thawhter hnanak caah na hman lai.

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

PHUNGTHLÛKBIA 7:14

“Raithawinak pekchanh awk ka ngei i nihin ah hin ka biahrennak ka tlinter cang lai;