HOSEA 8:14 - Lai (Hakha) Common Language Bible 2006

¹⁴ Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

HOSEA 8:14 Խաչաձեւ Հղումներ

DEUTERONOMI 32:18

An hringtu Lungpi kha na ruat lo i An sortu Pathian kha na philh.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

AMOS 2:5

Cucaah Judah cungah mei ka thlah lai i Cu mei nih cun Jerusalem ralhruang vialte kha a kangh dih hna lai.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

AMOS 1:10

Cucaah Tair kulhnak vampang cungah khan mei ka thlah lai i Cu mei nih cun a ralhruang vialte cu a kangh dih hna lai.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

AMOS 1:12

Cucaah Teman cungah mei ka thlah lai i Cu mei nih cun Bozrah ralhruang vialte kha a kangh dih hna lai.

AMOS 1:4

Cucaah Hazael inn chungah cun mei ka thlah lai i Cu mei nih cun Benhadad inn ṭhaṭha vialte cu a kangh dih hna lai.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

JEREMIAH 23:27

Hi an mang, pakhat le pakhat an i chimhmi thawng hin, ka mi hna cu ka min kha kan philhter hna lai, tiah an ruah; an pupa hna nih Baal min ruangah ka min an rak philh bantuk khan.

JEREMIAH 3:21

Tlangpar kawng i ṭah thawng cu ngai hmanh. Israel mi hna nih zaangfah hal in an aunak aw cu! Zeicahdah hitin a si ti ahcun, annih nih lam kawi kha an zul i Bawipa an Pathian kha an philh caah a si.

JEREMIAH 2:32

Ngaknu nih a hlawn kha a philh khawh lai maw? Mo nih a thuam kha a philh khawh lai maw? Sihmanhsehlaw ka mi hna nih cun atu le atu an ka philh.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

ISAIAH 29:23

Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka ṭihzah lai.

SALM 106:21

Izipt ram chungah khuaruahharmi thil a tuahmi thawngin Pathian nih a khamh hna, asinain cu Pathian cu an philh.

2 CHANRELNAK 27:4

Cuhleiah Judah tlangram ah khan khua a ser hna i thing hmawnnak tlang ah khan ralhruang le innsang a sak hna.

2 CHANRELNAK 26:10

Cun chimram le nelrawn ah khan saṭil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei ṭhatnak hmun ah khan lothlo le mitsur nengtu kha a chiah hna.

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

1 SIANGPAHRANG 12:31

Khuahrum bo hna ah khan inn a sak hna i mi hna chung khan, Levi miphun a si lomi kha tlangbawi ah a chiah hna.

2 SIANGPAHRANG 18:13

Hezekiah Siangpahrang a bawi kum hleilinak ah Assiria siangpahrang Sennakherib nih khan Judah ram chung i kulh mi khua vialte kha a rathnawh hna i a lak hna.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!

ISAIAH 9:9

Israel mi vialte le Samaria khua chung i a ummi vialte nih cu bantukin a tuah cu an hngalh dih lai. Atu cu an i porhlaw i an lung a puam. An i thawh i,

ISAIAH 9:10

“Tlakrawh inn cu an cim, sihmanhsehlaw lung inn in kan thlen ṭhan sawk hna lai, saikamor thing kaan cu an kiak, sihmanhsehlaw sidar thing ṭha bikbik in kan thlen ṭhan sawk hna lai,” an ti.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

EZEKIEL 23:35

Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.