HOSEA 7:11 - Lai (Hakha) Common Language Bible 2006

¹¹ Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.

HOSEA 7:11 Խաչաձեւ Հղումներ

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

HOSEA 11:11

Khulrang in an ra lai, va zuan in Izipt ram in an hung zuang lai i laileng bantukin Assiria ram in an rung zuang lai; Cun an inn cio ah khan khua ka sakter hna lai. Hihi Bawipa bia hrimhrim a si.

HOSEA 4:11

Zu nih ka mi hna cu a molhter cang hna!

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

JEREMIAH 2:36

Zeicahdah fawi tehlek in na kalnak lam cu naa thlen? Assiria nih an deuh bantuk khan Izipt zong nih an deuh ve lai,

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

PHUNGTHLÛKBIA 17:16

Mihrut caah cun tangka hi zei san dah a tlaih? Fimnak a ngeih lo ahcun fimnak cu a cawk khawh lai maw?

PHUNGTHLÛKBIA 15:32

Chimhhrinnak zei ah na rel lo ahcun nangmah le nangmah harnak naa pe, sihmanhsehlaw chimhhrinnak kha na cohlan duh ahcun na fim chin lai.

PHUNGTHLÛKBIA 6:32

Mi nupi he a sualmi cu ruahnak ngei lomi a si; Cu a tuahtu cu amah le amah aa hrawk ko.

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

HOSEA 9:6

Rawhralnak kha an luat hmanh ah Izipt nih khan a rak i fimhlawm lai i Memfis cu an thlan a si lai; Rili chung thetse tlang nih khan an lawng cu a hrawh hna lai, An ram ah khan belh a kho lai i an umnak hmun ah khan hling an kho lai.

2 SIANGPAHRANG 16:7

Cucaah Ahaz nih Assiria siangpahrang Tiglath-pileser sinah khan lamkal a hei thlah hna i, “Keimah cu na sal le na fapa ka si. A ka tutu siangpahrang le Israel siangpahrang kut chung hin, hung law ra ka chanh tuah,” tiah a ti.

HOSEA 12:2

Bawipa nih Judah cungah bia pakhat a ngei i Jakob cu a ziaza ruangah khan dantat aa tim; thil ṭhalo a tuahmi kha a lehrulh lai.

OBADIAH 1:7

Nangmah sin i a ṭangmi hna nih khan an in hlen i Na ram chungin an in dawi cang. Nangmah he i rem tein a rak ummi hna nih khan an in tei cang. Na sin i ti ding rawl ei in a ummi na hawile nih khan rap an in chiahhnawh cang i, “A fimnak vialte kha tah khuazei ah dah a si kun?” an in ti.