HOSEA 5:8 - Lai (Hakha) Common Language Bible 2006

⁸ Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

HOSEA 5:8 Խաչաձեւ Հղումներ

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

JOEL 2:1

Zion ah muko kha tum tuah u, Ka tlang thiang cungah launak thawng kha thanh tuah u; Bawipa cu a phak dengmang cang caah Judah ram chung i a ummi vialte cu ther dih hna seh.

JEREMIAH 4:5

Ram chung dihlak ah muko kha tum u! Fakpi le fiang tein au u! Judah ram mi Jerusalem khuami kha, Kulhmi khua ah tli u, tiah chim hna u.

1 SAMUEL 15:34

Cun Samuel cu Ramah ah a tlung; Saul cu a inn ah Saul khua Gibeah ah khan a hung kal.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

ISAIAH 10:29

Maabarah pawng khan an lan i Geba ah zan khat an riak. Ramah khuami hna cu an lau dih i Siangpahrang Saul Siangpahrang khua Gibeah khuami hna kha an zam dih.

BIACEIHTU 5:14

Efraim in an i thawh, khika in nelrawn ah an kal, Benjamin, nangmah le na mi hna cu an in zulh hna; Makhir in haotu hna, Cun Zebulun in ralbawi fung aa putmi hna cu, an vung kal;

JOEL 2:15

Zion ah muko kha tum tuah u, Rawl ulhnak kha thanh u law biaknak pumhnak kha au tuah u.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

1 SIANGPAHRANG 12:29

Cun pakhat cu Bethel ah a chiah i a dang pakhat cu Dan ah a chiah.

2 SAMUEL 21:6

mipa i a fapa hna lakin pasarih cu, Bawipa tlang cungah Gibeon ah Bawipa hmaiah kan thlai hna nakhnga, kan pe hna law kan duh,” tiah an ti. Cun siangpahrang nih, “Kan pek hna lai,” tiah a ti.

1 SAMUEL 8:4

Cun Israel upa vialte kha an i pum i Samuel sinah Ramah ah an ra.

1 SAMUEL 7:17

Cun a inn umnak a si caah Ramah ah a ra kir tawn i khika zongah Israel mi kha biading in bia a ceih hna. Cun khika ah Bawipa caah biakṭheng pakhat a ser.

JOSHUA 7:2

Joshua nih Jeriko in Bethel nichuahlei i a ummi Beth-aven pawng i a ummi Ai khua ah mi a hei thlah hna i, “Hung kal u law, ram cu hung thlingthla tuah u,” tiah a ti hna. Cun mi cu an hung kal i Ai cu an hung ngiatthlai.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?