HOSEA 5:5 - Lai (Hakha) Common Language Bible 2006

⁵ Israel sual a phawtu cu amah aa porhlawtnak lila kha a si ko, An sualnak nih khan a rilhter hna i a tlukter hna; Cun Judah mi zong cu an sinah khan an tlu ve.

HOSEA 5:5 Խաչաձեւ Հղումներ

HOSEA 7:10

Israel cu aa porhlawtnak lila nih khan sual a phawt ko, Sihmanhsehlaw Bawipa an Pathian sin i kir ṭhan cu an duh lo; Hi bantukin thil si ko hmanh seh law, amah kawl kha an duh lo.

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

LUKA 19:22

Amah cu a thawh i, ‘Sal ṭhalo. Nangmah bia lila cu nangmah biaceihnak ah ka hman lai. Nangmah nih keimah cu mikhepkha ka si le ka ta a si lomi a la tawn i ka tuh lonak hmun i a zun tawntu ka si cu na hngalh.

MATTHAI 23:31

Cucaah nanmah hrimhrim nih profet a rak thattu hna tefa nan si kha nan fianter

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

HOSEA 4:5

Chun zan in nan palh lengmang ko i profet hna zong nih khan nanmah nakin zeihmanh a ṭha deuh in an tuah hlei lo. Nan nu Israel cu ka hrawh lai.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

ISAIAH 59:12

“Bawipa na cung i kan sualnak cu a tam ko. Kan sualnak nih sual a kan phawt ko. Kan sualnak cu kan i hngal ko.

ISAIAH 44:9

Siasal a sermi hna cu pakpalawng an si i a sung tuk hringhran ah an ruahmi an pathian hna cu santlailo an si. Hi pathian a biami hna cu mitcaw le mihrut an si i ningzahnak an ing lai.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

PHUNGTHLÛKBIA 30:13

A ṭha hringhran i aa ruatmi zong an um, aize, a ṭha tuk hringhran ah khin pei an i ruah cu!

PHUNGTHLÛKBIA 24:16

Zeicahtiah miṭha mi cu voi sarih tiang tlu hmanh seh law a tho ṭhan zau lai, sihmanhsehlaw miṭhalo cu vanchiatnak nih a hrawh hna.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

PHUNGTHLÛKBIA 11:21

Hnadai tein um ko, miṭhalo cu dantatnak hmu loin a um lai lo, sihmanhsehlaw miding hna le an tefa hna cu an luat lai.

PHUNGTHLÛKBIA 11:5

Miṭha cu a dinnak nih khan a lam kha a fawiter, sihmanhsehlaw miṭhalo cu amah ṭhat lonak nih khan a tlukter.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

ISAIAH 3:8

Asi, Jerusalem cu a lo ko cang! Judah cu a tlu cuahmah ko cang! An chimmi le an tuahmi paoh cu Bawipa duh lomi lawngte an si dih; langhngan in Pathian hrimhrim kha an nihsawh.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.