HOSEA 4:3 - Lai (Hakha) Common Language Bible 2006

³ Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

HOSEA 4:3 Խաչաձեւ Հղումներ

ZEFANIAH 1:3

Minung he saram he ka phiah hna lai, Van i a zuangmi va hna le rili chung i a ummi nga hna cu ka phiah hna lai. Miṭhalo cu ka hrawh hna lai i minung cu vawlei cungin ka hloh lai, ti hi Bawipa bia hrimhrim a si.

NAHUM 1:4

Rili kha a sik i a carter dih, tiva vialte kha a kaoter dih hna. Bashan le Karmel cu an uai i Lebanon i thing corh no hna cu an car.

AMOS 5:16

Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.

EZEKIEL 38:20

Rili chung nga si hna seh, van i a zuangmi va si hna seh, ramlak saram si hna seh, vawlei ah a lawn in a lawnmi saram si hna seh, vawlei cung i a ummi minung vialte si hna seh, ka hmaiah a ther in an ther lai, ka ti. Tlang vialte kha an cim dih lai, lungpang vialte kha an tlu dih lai i ralhau vialte kha an rawk dih lai.

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

JEREMIAH 4:25

Khua ka zoh i mi an um lo, van i a zuangmi va kha an zam dih.

AMOS 8:8

Hi ruangah hin vawlei hi i hnin loin a um kho hnga maw? A cung i a ummi vialte hna cu ngaihchia loin an um kho hnga maw? Ram cu a pumpi in Nail tiva lian bantukin a tho lai i Izipt Tivapi bantukin a hlonh in aa hlonh lai.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JOEL 1:18

Rawl a ṭammi tuu hna le caw hna cu heh tiah an awn! Saṭil run cu kalnak hngal loin an um, Zeicahtiah an caah ramhring a um ti lo. Tuurun zong nih khan an in ve.

ZEKHARIAH 5:4

Ralkapbu Bawipa nih, ‘Ka thlah cang i mifir hna inn kip ah le ka min in lih in chiat a sermi vialte hna inn kip ah a lut lai, khi inn chungah a um lai i a thing he a lung he a hrawh dih hna lai,’ a ti,” tiah a ti.

JEREMIAH 9:9

Hi thil hna ruangah hin dantat loin ka um hnga maw? Hi bantuk miphun cungah hin phuhlam loin maw ka um hnga, tiah Bawipa nih a ti.