HOSEA 2:8 - Lai (Hakha) Common Language Bible 2006

⁸ Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

HOSEA 2:8 Խաչաձեւ Հղումներ

ISAIAH 1:3

Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo. A hngalh in an hngalthiam hrimhrim lo,” a ti.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

HOSEA 8:4

Siangpahrang kha an ser hna, sihmanhsehlaw keimah duhning in a si lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an i ser hna.

HOSEA 4:11

Zu nih ka mi hna cu a molhter cang hna!

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

LUKA 15:13

Ni tlawmpal hnuah khin ngakchia deuh pa nih cun a thilri cu a zuarh i a man tangka cu aa lak i an inn cun a kal. A hla ngaingaimi ram ah a kal i khika ah khan duhduh in khua a va sa i a tangka cu a va sawksam dih.

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

JEREMIAH 7:18

Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.

ISAIAH 46:6

Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.

HOSEA 10:1

Israel mi cu tlai a duh ngaimi phun mitsur ruang bantuk an si, A thei tam deuh a hung tlai paoh ah biakṭheng zong kha tam deuh an sak ve, An vawlei nih tam deuh a chuahter paoh ah an biakmi tung thiang kha dawh deuh in an ser ve hna.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

EZEKIEL 23:41

a ṭha ngaingaimi ihkhun cungah khan na ṭhu i an hmaiah cun cabuai kha an hun i cu cabuai cungah cun keimah zihmui le chiti kha an chiah hna.

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

HOSEA 13:1

Efraim phun mi nih bia an chim tikah midang nih khan an rak ṭih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.

1 CHANRELNAK 29:16

Maw Bawipa, kan Pathian, na min thiang ca i inn pakhat saknak ah thil tampi kan damhmi vialte hna hi, nangmah kut chungin a chuakmi an si i nangmah ta an si dih.

JOB 19:8

Ka lam kha vampang a ka chonkanh i cucaah ka lan kho lo, Ka lam ah muihnak kha a chiah.