HOSEA 2:15 - Lai (Hakha) Common Language Bible 2006

¹⁵ Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.

HOSEA 2:15 Խաչաձեւ Հղումներ

EZEKIEL 28:26

Khika ah khan lungdai tein an um lai i inn an sak hna lai i mitsur dum an ser hna lai; annih a nihsawhtu hna an pawngkam i a ummi hna cungah khan biaceihnak ka tuah tikah, annih cu lungdai tein an um lai. Cuticun keimah cu Bawipa an Pathian ka si kha an hngalh lai.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

JOSHUA 7:26

Cun nihin tiangin a ummi lungpumh nganpi pakhat a cungah cun an pumh; cun Bawipa cu a kangh in a kangmi a thinhunnak cun aa mer. Cucaah cun nihin tiangin cu ka hmun cu Akhor Nelrawn tiah ti a si.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

EZEKIEL 16:60

Sihmanhsehlaw na no lio i nangmah he ka tuahmi biakamnak kha ka philh lai lo i zungzal in a hmun laimi biakamnak cu nangmah he ka ser lai.

EZEKIEL 16:22

Fih a nungmi zuanzamnak na tuahmi vialte hna ruangah hin hlanlio kong kha na philh i taklawng le pumro in na rak um i na thi chung i na ke na rak chaih len ko lio kha na hngal ti lo.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

ISAIAH 65:21

Mi nih inn an i sak lai i an umnak hna lai, midang nih an hmankanh hna lai lo. Mitsur dum kha an i ser lai i a mitsur hang kha an din hna lai, midang nih an dinkanh hna lai lo. Thingkung bantukin ka mi cu an chan a sau lai. An ṭuanmi chungin an hmuhmi theitlai kha tlamtling tein an hman hna lai.

ZEKHARIAH 9:12

Ruahchannak he a hngak komi thongtla hna, Ralhruang chungah cun ra kir ṭhan u. Nannih kha phun hnih in kan cham hna lai ni cu atu hi thanh a si cang.

ṬAHNAK HLA 3:21

Hi vialte hi ka lung chungah kaa chiah hna i Cucaah ka ngan filfial ko lai:

JEREMIAH 32:15

Zeicahtiah Ralkapbu Bawipa, Israel Pathian bia cu: Hi ram chungah hin inn hna, lo hna, mitsur dum hna, i zuarh i cawk an si ṭhan lainak caan a ra lio, ti hi.

SALM 106:12

Cu tikah a mi nih khan a biakam cu an zumh i hla in an thangṭhat.

NAMBAR 21:17

Cu tikah Israel nih mah hla hi an sa: “Maw tikhor, ti hung chuak tuah! Hla in hloi tuah u!

HOSEA 12:9

Sihmanhsehlaw Izipt ram in an chuahpitu hna nan Pathian cu Bawipa hi ka si. Thetse ram i nan um lio i nan sin i ka rat tikah puan thlam chungah nan um bantuk khan, ṭhal thlam chungah kan umter ṭhan ko hna lai.

ISAIAH 65:10

Keimah cu an ka biak lai i nitlaklei ah Sharon Nelrawn ah an tuurun le an cawrun kha an tlonter hna lai i nichuahlei ah Harnak Nel timi ah khan an tlonter hna lai.

HOSEA 2:12

A duhtu hna nih an ka phalhmi a si tiah a timi mitsur ruang le theipi kung hna kha ka hrawh hna lai i Ramlak saram an tlonnak ramlak ah ka ser hna lai.

SALM 129:1

Israel, na no lio tein na ral nih zeitluk in dah an rak in hrem kha, chim tuah!

JEREMIAH 2:1

Bawipa bia cu ka sinah a ra i,

JEREMIAH 3:4

Cun atu naite ah naa thawh i, “Nangmah cu ka Pa, ka no lio in ka hawi ṭha zungzal na si”; na ti i

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

EZEKIEL 28:25

Mah hihi Bawipa Pathian bia an si: Israel mi hna cu an i ṭheknak miphun hna chungin ka pumh ṭhan hna tikah, cu thawng cun miphun hna mithmuh ah ka thiannak kha ka langhter lai. Ka sal Jakob ka rak pekmi, an vawlei te ah khan khua an sa lai.

HOSEA 12:13

Bawipa nih Israel mi kha Izipt ram chung i sal i an cannak in chuah awkah profet pakhat kha a thlah; Cun profet pakhat in a zohkhenh hna.

HOSEA 13:4

Sihmanhsehlaw Izipt ram in an chuahpitu hna nan Pathian Bawipa kha ka si. Kha lioah khan cun keimah dah ti lo cu pathian dang zeihmanh nan hngalhmi hna an um lo. Keimah lawnglawng kha nan khamhtu ka rak si ko.

BIACEIHTU 8:34

Cun Israel mi nih, an velchum i a ummi an ral hna kut in a chanhtu hna Bawipa an Pathian kha, an cing ti lo;

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.