HOSEA 14:9 - Lai (Hakha) Common Language Bible 2006

⁹ A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

HOSEA 14:9 Խաչաձեւ Հղումներ

PHUNGTHLÛKBIA 10:29

Bawipa nih a sual lomi cu a huhphenh hna, sihmanhsehlaw ṭhat lonak a tuahmi cu a hrawh hna.

SALM 107:43

A fimmi nih cun hi thil hi ruat hna seh; Bawipa dawtnak fek cu ruat zungzal hna seh.

JOHAN 8:47

Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si,” tiah a ti hna.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

JEREMIAH 9:12

Zeicahdah hi ram cu ram thi ah a can i thetse ram bantukin a ro i aho pal lomi a si? Hi kong hngalhnak caah hin ahodah a fimnak aa zami cu a si? Midang kha a chimh khawh hna nakhnga ahodah Bawipa nih lungthin a cheuhmi cu a si? tiah Jeremiah nih a ti.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

SALM 119:128

Cucaah cun na cawnpiaknak kha ka zulh hna i lam hmaanlo vialte kha ka huat hna.

SALM 119:75

Bawipa, na nawlbia kha an ding ti ka hngalh i zumhawktlakmi na si caah dan na ka tat cu a si.

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

ROM 7:12

Cucaah Nawlbia cu a thiang i tuah awk timi cu a thiang ahmaan i a ṭha ko.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 9:39

Jesuh nih cun, “Hi vawlei cung i ka run hi, mitcawmi nih khua an hmuh i khuahmumi cu mitcaw ah an i can nakhnga, biathlehnak tuah awkah a si,” tiah a ti.

LUKA 7:23

Keimah kong ah lung awṭawm in a um lomi cu an caah lunglawmh awk a va si dah,” tiah a ti.

LUKA 2:34

Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i

MATTHAI 11:19

Mi Fapa cu a ra ve i a ei a ding i a mi kip nih, ‘Hi pa hi zohhmanh u, misaram le mizuram, ngunkhuai khawltu hna le misual hna hawikom hi,’ an ti. Sihmanhsehlaw Pathian fimnak cu ahmaan tiah a theitlai nih khan a langhter ko,” a ti.

EZEKIEL 18:25

Bawipa nih zulhmi phunglam ngei setsai lo in rian a ṭuan, nan ti. Israel mi hna ngai hmanh u, phunglam ngei loin a tuahtu cu nanmah nan si, keimah ka si lo.

ISAIAH 1:28

Asinain a sualmi le amah a dohmi paoh cu a hrawh hna lai; amah a hlawmi paoh cu a thah dih hna lai.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

SALM 84:7

An kal tikah an ṭhawng chin lengmang; Zion Tlang ah pathian hna Pathian cu an hmuh lai.

SALM 84:5

Nangmah sinin thazang a hmumi hna cu zeitluk in dah an i lawmh, Zion Tlang i va kal a duhmi hna cu zeitluk in dah an i lawmh.

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

PHUNGTHLÛKBIA 16:21

A fim i nutling patling lungthin a ngeimi cu, thil a thleidang khomi ti a si i a awka a thlum deuh paoh ah mi a lem khawh chin hna.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.

JEREMIAH 29:12

Nan ka hal i ka sinah thla nan cam ahcun nan bia kan ngaihpiak hna lai.

EZEKIEL 11:18

Annih cu a chung i an luh tikah ṭhat lonak an tuahmi vialte le thil fihnung an tuahmi vialte kha an hlawt lai.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.