HOSEA 13:13 - Lai (Hakha) Common Language Bible 2006

¹³ Israel nih hin nun khawh nakding caah caan ṭha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

HOSEA 13:13 Խաչաձեւ Հղումներ

ISAIAH 37:3

Hi bia hi Isaiah nan va chimh lai, a timi hna cu a si: “Nihin hi temhinnak ni a si; dantatnak kan in ni a si i hmaichia in kan um ni a si. Zei he dah kan i lawh tiah a fa a chuak dengmang cang na i chuahternak thazang a ngei lomi nu bantuk kan si.

ISAIAH 13:8

An dihlak in therphang in an um lai i nau nganfah a ingmi nu bantukin fahnak nih a tei hna lai. Pakhat le pakhat kha an i zoh tikah an i ṭih lai i an hmai thi khal a chuak ciocio lai.

ISAIAH 26:17

Nau ngan a fakmi nu nih a ai bantukin, nangmah nih na kan aiter, Bawipa,

SALM 48:6

Ṭihnak le lungretheihnak nih a tlaih hna i nau nganfah a ingmi nu bantukin an um.

2 SIANGPAHRANG 19:3

Annih nih amah cu, “Hi bangin Hezekiah nih, ‘Nihin cu lung retheihnak le nehsawhnak le ningzahnak ni a si. Fa cu an chuah caan a tling cang nain, hrinnak caah thazang a um lo.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

JEREMIAH 49:24

Damaskas cu a lung a dong cang i a zam; A thin a phang, a therh i nau nganfah nih a tlaih cang.

JEREMIAH 30:6

I hal u law ruat tuah hmanh u! Pa nih fa a hring kho maw? A si kun ahcun, zeicahdah pa nih nu naunganfah ing bangin an paw lawng an i domh ko kun? Zeicahdah rau diakduak in an um dih?

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

JEREMIAH 13:21

Ka hawikom an si tiah na ruahmi hna kha na cung i uktu ah chiah an si tikah zeidah na chim lai? Nau nganfah a ingmi nu bantukin nganfahnak kha na in lai.

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

ISAIAH 66:9

Ka mi cu hrinnak caan phakter ṭung in hrin taktak loin a umter hna lai tiah ka ruat hlah u,” tiah a ti. Hi bia cu Bawipa nih a chim.

ISAIAH 21:3

Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.

JOHAN 16:21

Nu nih nau a ngeih lai ah, nganfah in caan nih khan a phak caah a ngaih a chia, sihmanhsehlaw naute cu a hung chuah tikah nau thar pakhat vawlei cung i a hung chuah caah cun aa lawm i a nganfahnak cu a philh dih.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

JOHAN 5:4

A zei maw caan ah Bawipa vancungmi kha a vung ṭum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.)